Foto: pravo-rus.com
1 million AQSh dollary kóleminde para berýge itermelegen azamat sotqa tartyldy, dep habarlaidy "Ult aqparat" Sybailas jemqorlyqqa qarsy is-qimyl agenttiginiń baspasóz qyzmetine silteme jasap.
"Antikor alaiaqtyq jáne para berýge itermeleý faktisi boiynsha K. Altaevqa qatysty sotqa deiingi tergeýdi aiaqtady.
Ol kásipkerdi asa iri mólsherde para berýge itermelep, Qaraǵandy oblysyndaǵy ken ornyna jer qoinaýyn paidalaný kelisimshartyn uzartý úshin laýazymdy tulǵalarǵa berý syltaýymen aldaý arqyly 1 mln AQSh dollary somasyndaǵy aqshalai qarajatyn jymqyrýǵa áreket jasady dep aiyptalyp otyr.
Aiyptalýshy K. Altaev sotqa berildi. Qylmystyq-protsestik kodeksiniń 201-babyna sáikes ózge aqparat jariia etýge jatpaidy" - delingen habarlamada.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
