1 maýsymnan bastap elordadaǵy balabaqshalar men qosymsha bilim berý uiymynyń bári qalypty jaǵdaida jumysyn bastaidy, – dep habarlaidy "Ult aqparat".
«18 mamyrdan bastap menshik nysanyna qaramastan barlyq mektepke deiingi uiymdar sanitarlyq-dezinfektsiialyq rejimdi saqtai otyryp, óz jumystaryn birinshi kezekte balany úide qaldyrýǵa múmkindigi joq, jumys isteitin ata-analar úshin, ata-analardyń qalaýy boiynsha «kezekshi toptar» rejiminde qaita bastady. Búgingi kúni balabaqshalarda balalar sany – 4134. Bul – jalpy balalardyń 7,4 paiyzy», - dedi Nur-Sultan qalasynyń bilim basqarmasynyń basshysy Sholpan Qadyrova Nur-Sultan qalasy ákimdiginiń Facebook paraqshasynda onlain rejimde ótken baspasóz máslihatynda.
Basqarma basshysynyń aitýynsha, 1 maýsymnan bastap barlyq balabaqsha men qosymsha bilim berý uiymy shtattyq rejimde, iaǵni qalypty jaǵdaida jumystaryn qaita bastaýdy josparlap otyr.
Sonymen qatar mektepke deiingi bilim berý uiymdaryndaǵy daiarlyq toptary 1 tamyzǵa deiin balabaqshaǵa barady.
