1 ماۋسىمنان باستاپ ەلورداداعى بالاباقشالار مەن قوسىمشا بٸلٸم بەرۋ ۇيىمىنىڭ بەرٸ قالىپتى جاعدايدا جۇمىسىن باستايدى, – دەپ حابارلايدى "ۇلت اقپارات".
«18 مامىردان باستاپ مەنشٸك نىسانىنا قاراماستان بارلىق مەكتەپكە دەيٸنگٸ ۇيىمدار سانيتارلىق-دەزينفەكتسييالىق رەجيمدٸ ساقتاي وتىرىپ, ٶز جۇمىستارىن بٸرٸنشٸ كەزەكتە بالانى ٷيدە قالدىرۋعا مٷمكٸندٸگٸ جوق, جۇمىس ٸستەيتٸن اتا-انالار ٷشٸن, اتا-انالاردىڭ قالاۋى بويىنشا «كەزەكشٸ توپتار» رەجيمٸندە قايتا باستادى. بٷگٸنگٸ كٷنٸ بالاباقشالاردا بالالار سانى – 4134. بۇل – جالپى بالالاردىڭ 7,4 پايىزى», - دەدٸ نۇر-سۇلتان قالاسىنىڭ بٸلٸم باسقارماسىنىڭ باسشىسى شولپان قادىروۆا نۇر-سۇلتان قالاسى ەكٸمدٸگٸنٸڭ Facebook پاراقشاسىندا ونلاين رەجيمدە ٶتكەن باسپاسٶز مەسليحاتىندا.
باسقارما باسشىسىنىڭ ايتۋىنشا, 1 ماۋسىمنان باستاپ بارلىق بالاباقشا مەن قوسىمشا بٸلٸم بەرۋ ۇيىمى شتاتتىق رەجيمدە, ياعني قالىپتى جاعدايدا جۇمىستارىن قايتا باستاۋدى جوسپارلاپ وتىر.
سونىمەن قاتار مەكتەپكە دەيٸنگٸ بٸلٸم بەرۋ ۇيىمدارىنداعى دايارلىق توپتارى 1 تامىزعا دەيٸن بالاباقشاعا بارادى.
