2021 jyldyń 1 mamyrynan elimizde balalar men jasóspirimderge arnalǵan tegin memlekettik shyǵarmashylyq jáne sporttyq tapsyrystardy engizý tetigi iske qosylady, dep habarlaidy "Ult aqparat".
QR Mádeniet jáne sport ministrliginiń málimetinshe, memlekettik shyǵarmashylyq jáne sporttyq tapsyrystardy júzege asyrý jergilikti atqarýshy organdarǵa júktelgen.
Al memlekettik tapsyrystardyń operatory retinde Nur-Sultan, Almaty, Shymkent qalalarynyń,oblystardyń mádeniet jáne sport basqarmalary bekitilgen.
«Memlekettik shyǵarmashylyq jáne sporttyq tapsyrystardyń jetkizýshisi retinde kez-kelgen jeke kásipker ne zańdy tulǵa bolýy múmkin. Onyń menshik formasy mańyzdy emes. Bastysy, zańmen bekitilgen merzimde sapaly qyzmet kórsetilý qajet. Al qyzmet alýshy - 4-17 jasqa deiingi balalar, olardyń múddesin zańdy ókilderi qorǵaidy. Qabyldanǵan erejeler vaýcherlik júie sekildi jumys isteidi. Oǵan sáikes, balalar arasyndaǵy bos oryndar, olardyń kezegine sáikes, menshikti vaýcherdiń berilýi arqyly tańdaǵan qyzmet kórsetýshisine bólinedi», - dedi ministrlikten.
Balalar kontingentin toltyrý, basqa da qyzmet kórsetýshiniń, operator men balanyń zańdy ókiliniń fýnktsionaldyq qosalqy qyzmetteri, osyǵan qatysty protsesster qyzmet kórsetýshi men balanyń zańdy ókiline tegin negizde júzege asyrylady. Sondai-aq, erejede shyǵarmashylyq úiirmeler men sporttyq sektsiialardyń jumys isteýine qatysty, onyń ishinde ǵimarattardy jabdyqtaýǵa bailanysty arnaiy talaptar kózdelgen. Memlekettik shyǵarmashylyq jáne sporttyq tapsyrystardy jetkizip berýshilerdi irikteý kezinde ashyqtyqty qamtamasyz etý, shyǵarmashylyq úiirmeler jáne sporttyq sektsiialarǵa baratyn balalardyń kezegin saqtaý, jáne osyǵan qatysty barlyq protsedýralardyń durys júrýi elektrondy formatta, birikken aqparattyq júie negizinde júzege asyrylady.
Búginde QR Mádeniet jáne sport ministrligi QR Tsifrlyq damý, innovatsiia jáne aeroǵarysh ónerkásibi, QR Bilim jáne ǵylym ministrlikterimen birlesip, «Bala» aqparattyq júiesin daiyndap jatyr. Ol atalǵan tetik protsesin avtomattandyrýǵa múmkindik beredi.
28 sáýirden bastap elimizdiń birneshe óńirinde, atap aitsaq, Qaraǵandy jáne Pavlodar oblystarynda aqparattyq júieni aprobatsiiadan ótkizý bastalyp ketti. 29 sáýirden «Bala» aqparattyq júiesine elimizdiń oblys ortalyqtary men respýblikalyq mańyzy bar qalalarda qosyldy.
