Sýret: Nur.kz
Qazaqstanda 1 qyrkúiekten bastap kolledjder men ýniversitet stýdentteriniń shákirtaqysy ósedi, dep habarlaidy "Ult aqparat" QR premer-ministriniń saityna silteme jasap.
Premer-ministrdiń baspasóz qyzmetiniń habarlaýynsha, Oljas Bektenov 2024 jyldyń 1 qyrkúieginen bastap kolledjder men ýniversitet stýdentteriniń shákirtaqysyn arttyrýdy kózdeitin qaýlyǵa qol qoidy.
Kolledj stýdentteri úshin shákirtaqy 50 paiyzǵa artady:
- jumysshy mamandyqtary boiynsha 43 574 teńge;
- orta býyn mamandary úshin 41 896 teńge bolady.
Bakalavriat stýdentteriniń shákirtaqysy 20 paiyzǵa artyp, 47 135 teńgege deiin, al pedagogika jáne meditsina baǵyttaryndaǵy bilim alýshylardyń stipendiiasy 75 600 teńgege deiin kóbeiedi.
Internatýrada oqityndarǵa shákirtaqy 85 376 teńge, al rezidentýrada – 123 122 teńge kóleminde tólenedi.
Magistranttar men doktoranttarǵa shákirtaqy 15 paiyzǵa artady, onyń mólsheri tiisinshe 107 061 teńge jáne 240 000 teńge bolady.
"2025 jylǵy 1 qyrkúiekte shákirtaqy bakalavriat stýdentterine 20 paiyzǵa, magistranttar men doktoranttarǵa 15 paiyzǵa kóbeiedi.
Jalpy, memleket basshysynyń tapsyrmasy boiynsha 2020 jyldan bastap stipendiiany kóbeitý boiynsha josparly jumys júrgizilýde. Sonyń nátijesinde 2025 jylǵa qarai JOO men kolledj stýdentteriniń stipendiiasy eki esege, magistranttar men doktoranttar úshin 1,75 esege ósedi", - delingen habarlamada.
Biylǵy jyldyń aqpan aiynda 2024 jyldyń qyrkúieginen bastap Qazaqstanda kolledj stýdentteriniń shákirtaqysy 50 paiyzǵa ósetini belgili bolǵan edi. Naýryzda qazaqstandyq bakalavriat, magistratýra jáne doktorantýrada oqityn stýdentterge arnalǵan shákirtaqy kólemin ulǵaitý boiynsha túzetý jobasy qoǵamdyq talqylaýǵa shyǵaryldy.
