Foto: gov.kz
Qazaqstanda jeke qaýipsizdik sabaqtary paida bolady. Oqý-aǵartý ministrliginiń málimetinshe, sabaqtar apta saiyn sabaq ýaqytynda 10 minýttan ótkiziledi, taqyryp jylyna úsh ret qaitalanady.
Ministrlik "Jeke qaýipsizdik" boiynsha 130 sabaq daiyndaǵan. Jańa sabaq elimizdegi barlyq balabaqshalar men mektepter men kolledjderde 1 qyrkúiekten bastap oqytyla bastaidy.
Sabaqtyń maqsaty – balalarda jeke qaýipsizdikke jáne basqalardy qorǵaýǵa sanaly jáne jaýapty kózqarasty qalyptastyrý, sondai-aq babalardyń tótenshe jaǵdailarda áreket etý daiyndyǵyn arttyrý.
Balalardyń quqyqtaryn qorǵaý komitetiniń tóraiymy Nasymjan Ospanovanyń aitýynsha, sabaqtarda balalardyń jas erekshelikteri men damý deńgeii eskeriledi.
"Bul sabaqtar balalardy qaýipsizdikti qamtamasyz etý úshin qajetti aqparat men daǵdylardy úiretip qana qoimai, áleýmettik jaýapkershilik sezinýine kómektesedi. Biz ár sabaq olar úshin paidaly ári qyzyqty bolýy úshin qoldaý kórsetetin jáne yntalandyratyn orta qurýǵa tyrysamyz", – dedi ministrlik ókili.
Jeke qaýipsizdik sabaqtarynda materialdy barlyq jastaǵy balalarǵa qoljetimdi jáne túsinikti etýge kómektesetin praktikalyq keńester, oiyndar, interaktivti oqytý ádisteri, demonstratsiialar, beineler jáne praktikalyq oqytýdyń basqa túrleri usynylady.
