1 qazannan bastap Qazaqstan Respýblikasy Táýelsizdiginiń 30 jyldyǵyna arnalǵan jas jazýshylar men aqyndar arasynda ótetin «Uly dala» respýblikalyq shyǵarmashylyq baiqaýyna qujattar qabyldana bastaidy, dep habarlaidy "Ult aqparat".
Qazaqstan Respýblikasy Táýelsizdiginiń 30 jyldyǵyna arnalǵan «Uly dala» respýblikalyq shyǵarmashylyq baiqaýyn «Nur Otan» partiiasy Qazaqstan Jazýshylar odaǵymen birlese uiymdastyrýda.
Shyǵarmashylyq baiqaý Táýelsizdiktiń alǵashqy 30 jylynda elimizdiń jetken jetistikterin, memlekettilik irgesiniń bekýindegi Qazaqstannyń Tuńǵysh Prezidenti – Elbasy N.Á.Nazarbaevtyń basshylyǵymen qol jetkizgen tabystardy jáne qoǵamdy rýhani jańǵyrtýdyń ideialary men qundylyǵyn kórsetetin qazirgi zamanǵy qazaqstandyq avtorlardyń shyǵarmalaryn qoldaýdy maqsat etedi. Baiqaýǵa 18-den 40 jasqa deiingi aqyn-jazýshylar, dramatýrgter men stsenarister qatysa alady.
Baiqaý bes nominatsiia boiynsha ótkiziledi. «Proza», «Poeziia», «Dramatýrgiia», «Kórkem film men teleserial stsenariii» jáne «Balalarǵa arnalǵan shyǵarma» nominatsiiasy boiynsha baiqaýdyń jalpy júlde qory 11 million teńgeden asady. Birinshi orynǵa ielengen jeńimpazǵa – 1 000 000, ekinshi oryn ielerine – 750 000, úshinshi oryndy qanjylaǵan qatysýshyǵa – 500 000 teńge qarastyrylyp otyr.
Uiymdastyrýshylar atap ótkendei, baiqaýǵa avtorlardyń buryn jariialanǵan shyǵarmalary qatystyrylmaidy.
«Baiqaýǵa ádepsiz sózderdi qamtityn, sondai-aq úshinshi tulǵalardyń etikalyq normalary men avtorlyq quqyqtaryn buzatyn týyndylar jiberilmeidi. Baiqaýǵa qatysý úshin «Proza» nominatsiiasyna 25 betten aspaityn, «Poeziia» nominatsiiasyna mátin kólemi 5 betten aspaityn, «Dramatýrgiia» nominatsiiasyna 15 betten aspaityn, «Kórkem film men teleserial stsenariii» nominatsiiasyna 30 betten aspaityn, «Balalarǵa arnalǵan shyǵarma» nominatsiiasyna 10 betten aspaityn shyǵarmalar jiberiledi», - delingen uiymdastyrýshylar taratqan aqparatta.
Baiqaýdyń sharttary «Nur Otan» partiiasynyń resmi saitynda jáne áleýmettik jelilerdegi resmi akkaýnttarynda, sondai-aq aikyn.kz saitynda, «Miras» partiialyq jobasynyń Facebook paraqshasynda jariialanady.
