1 qarashadan bastap eńbek migranttary halyqqa qyzmet kórsetý ortalyqtarynda ruqsat rásimdei alady, dep habarlaidy "Ult aqparat" Ishki ister ministrligine sliteme jasap.
IIM júrgizilip jatqan jańǵyrtý jáne júieli reformalar aiasynda kórsetiletin memlekettik qyzmetterdi ońtailandyrý boiynsha tiisti sharalar qabyldaýda.
Barlyq oblystaǵy qalalarda 2018-2019 jyldar aralyǵynda Kóshi-qon qyzmeti ortalyqtary ashylǵan bolatyn. Sol jerde eńbek migranttary «bir tereze» qaǵidasy boiynsha eńbek patentterin rásimdep keldi.
Bul ortalyqtarda kóshi-qon, PD kriminalistikalyq qyzmeti, memlekettik korporatsiianyń qyzmetkerleri, sondai-aq meditsinalyq uiymdar, saqtandyrý kompaniialary jáne ekinshi deńgeili bankterdiń qyzmetkerleri ornalasqan, elektrondy kezekter engizilgen.
Jumysty osylai uiymdastyrý eńbek migranttaryna ruqsat rásimdeý merzimin birneshe kúnnen 2-3 saǵatqa deiin qysqartýǵa múmkindik berdi jáne turǵyndarǵa kórsetiletin memlekettik qyzmetti alý burynǵysynan da yńǵaily bola tústi.
IIM azamattardyń oń pikirin eskere otyryp, «Azamattarǵa arnalǵan úkimet» memlekettik korporatsiiasymen birge elimizdegi barlyq halyqqa qyzmet kórsetý ortalyqtary arqyly eńbek migranttaryna patent rásimdeý boiynsha pilottyq jobany júrgizýge kiristi.
Ol úshin HQO-nyń aqparattyq júiesi IIM kóshi-qon qyzmetiniń júiesimen biriktirildi. Osylaisha «bir tereze» arqyly bastapqy jáne ázir qujattardy berýdiń tártibi ońtailandyryldy.
Sonyń nátijesinde HQO arqyly 18 myń 500-den astam patent rásimdelip, berildi.
1 qarashadan bastap memlekettik qyzmetti kórsetýdiń osyndai tásilin barlyq HQO-da paidalaný josparlanyp otyr.
