QR Ishki ister ministrligi Ádilet ministrligi jáne «Azamattar úshin úkimet» memlekettik korporatsiiasymen birge turǵyndardy jergilikti jeri boiynsha tirkeý sharalaryn ońailatty.
Bul týraly QR Ishki ister ministriniń orynbasary Erlan Turǵymbaev aitty, dep habarlaidy atalmysh vedomostvonyń baspasóz qyzmeti.
Ol úshin pilottyq tekserýden tabysty ótken aqparattyq júie biriktirilgen.
Endi azamattarǵa tirkelý kezinde turǵyn úige ielik quqyǵyn rastaityn qujattardy nemese jyljymaityn múlikke tirkelgen quqyǵy týraly anyqtama usyný talap etilmeidi.
Mekenjai málimetteri júiege mekenjaidyń tirkeý kodynyń negizinde engiziletin bolady.
Jańa mehanizm aǵymdaǵy jylǵy 1 qarashadan bastap respýblikanyń barlyq óńirlerinde halyqqa qyzmet kórsetý ortalyqtarynda jumys istei bastaidy.
