1 qarashadan bastap «Nur-Sultan 1» temirjol vokzalynyń aýmaǵynda aqysyz turaq bolmaidy, dep habarlaidy QazAqparat.
Bul jaiynda City Transportation Systems kólik kompaniiasy málimet taratty.
Aita keteiik, elorda turǵyndary men qonaqtaryna yńǵaily bolý úshin balama retinde vokzal aldynda tegin turaq pen jolaýshylardy otyrǵyzý jáne túsirý aimaqtary bar jolaq iske qosylady (syzbasy sýrette).
Turaq qyzmetterin tóleýdiń birneshe joly bar:
• Kaspi.kz banktik mobildi qosymsha arqyly, «Tólemder» bóliminde;
• Jeke kabinette, NSPARKING (App Store jáne Google play) mobildi qosymshasy jáne nsparking.kz veb - sait arqyly;
• Temirjol vokzaly aýmaǵynda ornalasqan 4 QIWI tólem terminaldary arqyly;
• temirjol vokzalynyń jańa ǵimaratyna ornatylǵan parkomat arqyly (qolma-qol aqshamen, bank kartasymen nemese NFC tólemimen);
• temirjol vokzalynyń eski ǵimaratynyń 2-qabatynda ornalasqan táýlik boiy jumys isteitin kassa, №15 kabinet arqyly.
Turaq qyzmetteriniń qoldanystaǵy tarifterimen turaq biletterin berý avtomattarynyń janyndaǵy aqparattyq taqtalarda, parkomattarda, táýlik boiy jumys isteitin kassada, sondai-aq NSPARKING mobildi qosymshasynda jáne nsparking.kz saitta tanysýǵa bolady.
