Foto: yakutskcity.ru
2023 jylǵy 1 qańtardan bastap balabaqsha tárbieshileri, mektep jáne kolledj muǵalimderiniń jalaqysy 25% ósti, dep habarlaidy QazAqparat agenttigi.
Memleket basshysynyń tapsyrmasy boiynsha 2020 jylǵy qańtardan bastap muǵalimderdiń jalaqysy jyl saiyn 25% kóterilip keledi.
Osylaisha, muǵalimderdiń jalaqysy qazirgi ýaqytta eki ese artty.
«El Prezidentiniń qoldaýy arqasynda muǵalimderdiń jalaqysy jyl saiyn ósip keledi. Sonymen qatar olardyń jalaqysyna qosymsha tólemder belgilendi. Bul - biliktilik sanaty, magistr dárejesi, pánderdi aǵylshyn tilinde júrgizý, dápter tekserý, synyp jetekshiligi, jańartylǵan mazmundaǵy jumys jáne tálimgerlik úshin qosymsha tólemder. Muǵalimderdiń jalaqysyn kóterý óz nátijesin berip jatyr. Pedagog mamandyǵyna ýniversitettiń úzdik túlekteri men «Altyn belgi» iegerleri kele bastady. Bul bolashaqta balalardyń oqýyna oń áserin tigizedi», - dedi Oqý-aǵartý ministri Ǵani Beisembaev.
