سىرتقى ٸستەر مينيسترٸ مۇحتار تٸلەۋبەردٸ رەسەيلٸك دەپۋتات گەنناديي زيۋگانوۆتىڭ قازاقستاننىڭ سولتٷستٸك ايماقتارى تۋرالى مەلٸمدەمەسٸنەن كەيٸن قازاقستان نەگە نارازىلىق بٸلدٸرمەيتٸنٸن تٷسٸندٸردٸ, - دەپ حابارلايدى Tengrinews.kz.
"رەسمي نارازىلىق بولمايدى. بٸز زيۋگانوۆ رەسەي فەدەراتسيياسىنىڭ كوممۋنيستٸك پارتيياسىنىڭ كٶشباسشىسى ەكەنٸنە سٷيەنەمٸز. ول قازٸرگٸ ٷكٸمەتكە وپپوزيتسييالىق پارتييا رەتٸندە تانىلعان. وپپوزيتسييا ەرقاشان قازٸرگٸ بيلٸكتٸڭ رەسمي ۇستانىمىنان بٶلەك نەمەسە تٸپتٸ وعان قايشى كەلەتٸن سول نەمەسە باسقا پٸكٸردٸ ۇستانادى.
زيۋگانوۆتىڭ سٶزٸن رەسەيدٸڭ فەدەرال ارنالارىنىڭ ەشقايسىسى كٶرسەتكەن جوق. پرەزيدەنتٸمٸزدٸڭ مەسكەۋگە جۇمىس ساپارى بارىسىندا رەسەيدٸڭ قازاقستانعا اۋماقتىق تالاپتارى جوق ەكەنٸ جوعارى دەڭگەيدە راستالدى", - دەدٸ تٸلەۋبەردٸ ٷكٸمەت وتىرىسىنان كەيٸن جۋرناليستەردٸڭ ساۋالدارىنا جاۋاپ بەرٸپ.
ول رەسەي كوممۋنيستٸك پارتيياسى كسرو كوممۋنيستٸك پارتيياسىنىڭ ٸز باسۋشىسى جەنە سول يدەولوگيياعا نەگٸزدەلگەنٸن, ياعني ول دٷنيەجٷزٸلٸك سوتسياليستٸك رەۆوليۋتسييانى جٷزەگە اسىرۋدى جەنە بٷكٸل ەلەمدە پرولەتاريات ديكتاتۋراسىن ورناتۋ ماقساتىن كٶزدەيتٸنٸن ايتتى.
"نازارىڭىزدى بۇل ۆيدەو 2 اي ٶتكەن سوڭ پايدا بولعانىنا اۋدارعىم كەلەدٸ. بۇل ۆيدەونىڭ ۋكرايناداعى وقيعالار كەزٸندە پايدا بولۋى كەزدەيسوق ەمەس. قارۋلى ەسكەري قاقتىعىس اقپاراتتىق كەڭٸستٸكتەگٸ كٷرەستٸڭ شيەلەنٸسۋٸمەن قاتار جٷرەتٸنٸن جەنە قازاقستاننىڭ اقپاراتتىق كەڭٸستٸگٸن قامتيتىنىن تٷسٸنۋ كەرەك.
بەلگٸلٸ بٸرەۋلەر مەن ارانداتۋشىلىقتارعا قارسى ەرەكەتتٸ ٶزدەرٸڭٸز, جۋرناليستەر ەسكەرۋٸ كەرەك ەكەنٸن تٷسٸنۋٸڭٸز كەرەك. سٸزدەر بۇل ۆيدەو نەگە بۇرىن ەمەس, قازٸر شىققانىن انىقتاۋىڭىز كەرەك. ونى كٸم جارييالادى جەنە ت.ب.", - دەپ قوستى مينيستر.
ەسكە سالساق, زيۋگانوۆ قازاقستاننىڭ رۋسوفوبييالىق ساياساتىن العا تارتىپ, رف بيلٸگٸن قر سولتٷستٸك ٶڭٸرلەرٸنٸڭ تۇرعىندارىن قورعاۋعا شاقىرادى. كوممۋنيستەردٸڭ جەتەكشٸسٸنٸڭ ايتۋىنشا رەسەي بايقوڭىردان باستاپ قارۋ-جاراق ۋران ٶندٸرەتٸن ەڭ ماڭىزدى زاۋىتتاردى جەنە پوليگوندى قورعاۋ ٷشٸن بەرٸن جاساۋى كەرەك.
«ول ٷشٸن قازاقستان باسشىلىعىمەن بارلىق قاجەتتٸ كونسۋلتاتسييالاردى ٶتكٸزٸپ, تٸلدٸك, مەدەني جەنە رۋحاني قاۋٸپسٸزدٸككە كەپٸلدٸك بەرەتٸن تٷبەگەيلٸ شارالاردى قابىلداۋ قاجەت», — دەپ اتاپ ٶتتٸ ساياساتكەر.
