قازاقستاندا ەلەكترساموكاتتار مەن باسقا دا جەكە موبيلدٸلٸك قۇرالدارىن پايدالانۋعا قاتىستى جاڭا تالاپتار كٷشٸنە ەندٸ. 2026 جىلعى 25 تامىزدان باستاپ ەلەكترساموكاتتاردىڭ تروتۋارلار مەن جاياۋ جٷرگٸنشٸلەر جولدارىمەن جٷرۋٸنە تىيىم سالىنادى. بۇل تۋرالى باس پروكۋراتۋرا ەسكەرتتٸ, دەپ حابارلايدى ult.kz.
ۆەدومستۆونىڭ مەلٸمەتٸنشە, جىل باسىنان بەرٸ موپەد جٷرگٸزۋشٸلەرٸنٸڭ كٸنەسٸنەن 390 جول-كٶلٸك وقيعاسى تٸركەلگەن. سالدارىنان 33 ادام قازا تاۋىپ, 461 ادام جاراقات العان.
سونىمەن قاتار ۆەلوسيپەدشٸلەردٸڭ كٸنەسٸنەن – 169, شاعىن ەلەكتر كٶلٸك قۇرالدارىن باسقارۋشىلاردىڭ كٸنەسٸنەن – 97, ال ەلەكترساموكات جٷرگٸزۋشٸلەرٸنٸڭ كٸنەسٸنەن 47 جول-كٶلٸك وقيعاسى بولعان.
وسى وقيعالاردىڭ سالدارىنان 329 كەمەلەتكە تولماعان بالا زارداپ شەگٸپ, 10 بالا قازا تاپقان.
ەلەكتروساموكات پەن باسقا دا ەكٸ دٶڭگەلەكتٸ كٶلٸك قۇرالدارىن پايدالانۋشىلاردىڭ ٶزدەرٸ دە جول اپاتتارىنان زارداپ شەگۋدە. جىل باسىنان بەرٸ ەلەكترساموكات جٷرگٸزۋشٸلەرٸن كٶلٸك قاعىپ كەتكەن 145 جاعداي, موپەد جٷرگٸزۋشٸلەرٸن قاعىپ كەتكەن – 82, شاعىن ەلەكتر كٶلٸك قۇرالدارىن باسقارۋشىلاردى قاعىپ كەتكەن 52 جاعداي تٸركەلگەن. نەتيجەسٸندە تٶرت ادام قازا تاۋىپ, 300-گە جۋىق ادام جاراقات العان.
ەلەكتروساموكات جٷرگٸزۋشٸلەرٸنە قانداي تالاپ قويىلدى?
ەندٸ ەلەكترساموكاتپەن:
- تروتۋارلار مەن جاياۋ جٷرگٸنشٸلەر جولدارىندا جٷرۋگە بولمايدى;
- ۆەلوسيپەد جولى نەمەسە ۆەلوسيپەد جولاعى بولسا, قوزعالىس تەك سولار ارقىلى جٷزەگە اسىرىلادى;
- ولار بولماعان جاعدايدا جولدىڭ وڭ جاق شەتٸمەن نەمەسە جول جيەگٸمەن جٷرۋگە رۇقسات ەتٸلەدٸ.
ال ەلەكترساموكاتپەن جٷرٸس بٶلٸگٸندە تەك 18 جاسقا تولعان, تيٸستٸ ساناتتاعى جٷرگٸزۋشٸ كۋەلٸگٸ بار جەنە قورعانىش دۋلىعاسىن پايدالاناتىن ادامدار عانا قوزعالا الادى.
موپەد جٷرگٸزۋشٸلەرٸ جولدىڭ جٷرٸس بٶلٸگٸمەن قوزعالۋعا مٸندەتتٸ. ال ساموكات, ۆەلوسيپەد جەنە موپەدپەن جولدى جاياۋ جٷرگٸنشٸلەر ٶتكەلٸ ارقىلى كەسٸپ ٶتكەن كەزدە جٷرگٸزۋشٸلەر كٶلٸكتەن تٷسٸپ, ونى قاسىنان جەتەكتەپ ٶتۋٸ كەرەك.
سونداي-اق جولاۋشىلاردى تاسىمالداۋعا, رٶلدٸ ۇستاماي تەلەفون پايدالانۋعا جەنە قاراڭعى ۋاقىتتا جارىق شاعىلىستىراتىن ەلەمەنتتەرسٸز جٷرۋگە تىيىم سالىنادى.
باس پروكۋراتۋرا ادامدار كٶپ جٷرەتٸن جەرلەردە جوعارى جىلدامدىقپەن جٷرۋدٸڭ اسا قاۋٸپتٸ ەكەنٸن ەسكە سالدى. ەسٸرەسە بالالار, قارتتار جەنە بالالار ارباسىمەن جٷرگەن اتا-انالار قاۋٸپكە جيٸ ۇشىرايدى.
ۆەدومستۆو اتا-انالاردى بالالارعا جول قوزعالىسى ەرەجەلەرٸن ٷيرەتٸپ, ساموكات پەن ۆەلوسيپەدتٸ پايدالانۋىن باقىلاۋعا شاقىردى.
باس پروكۋراتۋرانىڭ مەلٸمدەۋٸنشە, ساموكات, ۆەلوسيپەد نەمەسە موپەد ادامدى جولداعى قاۋٸپتەن قورعامايدى. سوندىقتان جولداعى قاۋٸپسٸزدٸك ەربٸر قوزعالىس قاتىسۋشىسىنىڭ جاۋاپكەرشٸلٸگٸنەن باستالادى.
