قازاق ەزٸل-وسپاق ٶنەرٸنٸڭ كٶرنەكتٸ ٶكٸلٸ, تانىمال اكتەر جٷسٸپ اقشوراعا «حالىقتىڭ سٷيٸكتٸ ەرتٸسٸ» اتتى ارنايى مەدال تابىستالدى, دەپ حابارلايدى ult.kz.
ايتا كەتەيٸك, بۇل ماراپات مەملەكەتتٸك ناگرادا مەرتەبەسٸنە يە ەمەس. ارنايى مەدال «Intelligentno Qu» جوباسى اياسىندا جاس ەزٸلكەشتەر مەن قازاقتٸلدٸ كونتەنت اۆتورلارىنىڭ باستاماسىمەن ەزٸرلەنگەن.
ۇيىمداستىرۋشىلار اكتەردٸڭ وتاندىق يۋمور مەن ساحنا ٶنەرٸنٸڭ دامۋىنا قوسقان ٷلەسٸن اتاپ ٶتٸپ, وعان حالىق اتىنان ارنايى مەدال مەن كۋەلٸك تابىستادى. سونداي-اق قازاقى دەستٷرگە ساي ٶنەر يەسٸنٸڭ يىعىنا اق شاپان جاپتى.
ٶز كەزەگٸندە جٷسٸپ اقشورا جاس ەرٸپتەستەرٸنٸڭ قۇرمەتٸنە ريزاشىلىعىن بٸلدٸردٸ. اكتەر ٶنەردەگٸ ساباقتاستىقتىڭ, اعا بۋىنعا قۇرمەت كٶرسەتۋدٸڭ جەنە كەيٸنگٸ ۇرپاققا جول سٸلتەۋدٸڭ ماڭىزىن اتاپ ٶتتٸ.
جٷسٸپ اقشورا كٶرەرمەنگە «شانشار» ەزٸل-وسپاق تەاترى ارقىلى كەڭٸنەن تانىلعان. ول ساحنادا تٷرلٸ كەيٸپكەرلەردٸ سومداپ, ٶزٸندٸك ەزٸل مەنەرٸمەن قازاق يۋمورىنىڭ قالىپتاسۋى مەن دامۋىنا ەلەۋلٸ ٷلەس قوستى.
