زييالى قاۋىمدى رۋحاني مەسەلەلەردٸ شەشۋگە جۇمىلدىرۋ كەرەك. قر تۇڭعىش پرەزيدەنتٸ نۇرسۇلتان نازارباەۆ وسىلاي دەدٸ, دەپ حابارلايدى قازاقپارات.
«حالىقپەن ناقتى جۇمىس جٷرگٸزۋ قاعيداتىن جولعا قويۋ كەرەك. سايلاۋشىلاردىڭ مٷددەسٸنە ساي كەلەتٸن باعدارلامالاردى قولعا الۋ قاجەت. بۇل – ەلەمدٸك تەجٸريبە. ال بٸزدە قالاي? قازٸرگٸ تاڭدا پارتييا 24 جوبامەن, 200-گە جۋىق تٷرلٸ ەسەپ بەرۋمەن اينالىسىپ كەلەدٸ. ونىڭ بارلىعى – ٷكٸمەتتٸڭ جۇمىسى, پارتييانٸكٸ ەمەس. قارجىنى, ماتەريالدىق رەسۋرستاردى سول ٷشٸن رەسۋا ەتەدٸ. سوندىقتان, پارتييانىڭ بارلىق جوبالارىن قايتا قاراۋ كەرەك. ولار ناقتى ەلەۋمەتتٸك توپتارعا ارنالۋى تيٸس. مەملەكەتتٸك ورگانداردىڭ جۇمىسىن قايتالاماۋ كەرەك. پارتييانىڭ جۇمىسى باسقا», - دەدٸ ەلباسى «Nur Otan» پارتيياسى ساياسي كەڭەسٸنٸڭ كەڭەيتٸلگەن وتىرىسىندا.
نۇرسۇلتان نازارباەۆ ٶز سٶزٸندە پارتييانىڭ ٶزٸندە سەتتٸ جوبالارى بارىن, ولاردىڭ قاتارىندا «ارداگەرلەردٸ ارداقتايىق» سەكٸلدٸ جاقسى جوبالار بارىن تٸلگە تيەك ەتتٸ.
«كٶپبالالى انالار ٷشٸن «باقىتتى وتباسى» دەگەن ورتالىقتار اشىلۋدا. كٶبەيتٸپ, سولاردىڭ جۇمىسىن جٷرگٸزۋ كەرەك. وسىنداي تەجٸريبەلەردٸ جاپپاي ەنگٸزگەن جٶن. مەسەلەن, «ميراس» قوعامدىق كەڭەسٸنٸڭ ەلەۋەتٸن پايدالانىپ, زييالى قاۋىمدى رۋحاني مەسەلەلەردٸ شەشۋگە جۇمىلدىرۋ كەرەك. زييالى قاۋىم دەگەنٸمٸز وتىرىپ الىپ, مەن جازۋشىمىن نەمەسە كومپوزيتورمىن دەپ, تەك سىناۋمەنەن عانا بولۋ كەرەك پە? زييالى قاۋىم – حالىقتىڭ الدىندا جٷرەتٸن, جول كٶرسەتەتٸن باستاۋشىسى بولۋى كەرەك», - دەدٸ ول.
ٶز سٶزٸندە نۇرسۇلتان نازارباەۆ «رۋحاني جاڭعىرۋ», «ۇلى دالانىڭ جەتٸ قىرى» ماقالالارىن ەسكە الدى.
«سوندىقتان, زييالى قاۋىممەن بٸرگە جۇمىس جٷرگٸزۋ كەرەك», - دەدٸ ول.
