قازاقستان زييالى قاۋىمىنىڭ ٶكٸلدەرٸ جىر سەمسەرٸ, الداسپان اقىن ماحامبەت ٶتەمٸسۇلىنىڭ ەرۋاعىنا دۇعا باعىشتادى, دەپ حابارلايدى "ۇلت اقپارات".
اتىراۋ وبلىسىنداعى قاراوي جەرٸنە ەنەس ساراي, سەبيت دوسانوۆ, سەرٸك تۇرعىنبەكۇلى, قاجىعالي مۇحامبەتقاليۇلى, قاسىمحان بەگمانوۆ, مەرەكە قۇلكەنوۆ, ەسەنعالي راۋشانوۆ, روللان سيسەنباەۆ, اقۇشتاپ باقتىگەرەەۆا, سۆەتقالي نۇرجان, باۋىرجان حاليوللا, گٷلزادا نيەتقاليەۆا, سەۋلەش شەتەنوۆا, ەلييا دەۋلەتباەۆا, باقىتگٷل باباش سىندى اقىن-جازۋشىلار جيىلدى.
قوناقتار باتىرعا دۇعا باعىشتاعاننان سوڭ سول جەردە ۇيىمداستىرىلعان "ماحامبەت پوەزيياسى كٷنٸ" سالتاناتتى شاراسىنا قاتىستى. جيىلعاندار ماحامبەت تۇلعاسىن ۇلىقتاپ, تاريحتان سىر شەرتٸپ, ٶلەڭ وقىدى.
شارا كەزٸندە سٶيلەگەن وبلىس ەكٸمٸ نۇرلان نوعاەۆ بۇل كٷننٸڭ توي تويلاۋمەن قاتار, كٶپ دٷنيەلەردٸ وي ەلەگٸنەن ٶتكٸزەتٸن ۋاقىت ەكەنٸن اتاپ ٶتتٸ.
"ەلباسىمىزدىڭ "بولاشاققا باعدار: رۋحاني جاڭعىرۋ" ماقالاسىندا ەلدٸڭ دامۋى جولىندا ەڭبەكتەنگەن ازاماتتاردى بٸلۋ, ولاردىڭ ەرلٸكتەرٸن, اتقارعان ٸستەرٸن حالىققا ناسيحاتتاۋ, ەستەن شىعارماي ۇرپاققا جەتكٸزۋ مەسەلەلەرٸ ايتىلدى. تاريحتى قاراساڭىزدار قاجەت كەزدە ٶمٸر ساحناعا ەلٸم, جەرٸم, وتانىم دەپ, ازاتتىق جولىندا جانىن پيدا ەتكەن تالاي ازاماتتاردى شىعارىپ وتىرعان. سولاردىڭ بٸرەگەيٸ ماحامبەت دەسەك ارتىق بولمايدى, – دەدٸ ايماق باسشىسى.
ايتا كەتەلٸك, مۇنداي شارا اتىراۋدا 2003 جىلى يۋنەسكو-نىڭ قولداۋىمەن ٶتكٸزٸلدٸ. قازاقستاننىڭ ەڭبەك سٸڭٸرگەن قايراتكەرٸ قويشىعۇل جىلقىشيەۆتىڭ يدەياسىمەن ٶتكٸزٸلگەن "ماحامبەت پوەزيياسى كٷنٸن" بيىلدان باستاپ جىل سايىن ۇيىمداستىرۋ جوسپارلانعان. شارا اياسىندا ماحامبەت سىيلىعى تاعايىندالىپ, ەر تٷرلٸ سالادا وزىپ شىققانداردى ماراپپاتتاۋ قولعا الىنۋى مٷمكٸن.
