Qazaqstan ziialy qaýymynyń ókilderi jyr semseri, aldaspan aqyn Mahambet Ótemisulynyń árýaǵyna duǵa baǵyshtady, dep habarlaidy "Ult aqparat".
Atyraý oblysyndaǵy Qaraoi jerine Ánes Sarai, Sábit Dosanov, Serik Turǵynbekuly, Qajyǵali Muhambetqaliuly, Qasymhan Begmanov, Mereke Qulkenov, Esenǵali Raýshanov, Rollan Sisenbaev, Aqushtap Baqtygereeva, Svetqali Nurjan, Baýyrjan Haliolla, Gúlzada Nietqalieva, Sáýlesh Shátenova, Áliia Dáýletbaeva, Baqytgúl Babash syndy aqyn-jazýshylar jiyldy.
Qonaqtar batyrǵa duǵa baǵyshtaǵannan soń sol jerde uiymdastyrylǵan "Mahambet poeziiasy kúni" saltanatty sharasyna qatysty. Jiylǵandar Mahambet tulǵasyn ulyqtap, tarihtan syr shertip, óleń oqydy.
Shara kezinde sóilegen oblys ákimi Nurlan Noǵaev bul kúnniń toi toilaýmen qatar, kóp dúnielerdi oi eleginen ótkizetin ýaqyt ekenin atap ótti.
"Elbasymyzdyń "Bolashaqqa baǵdar: rýhani jańǵyrý" maqalasynda eldiń damýy jolynda eńbektengen azamattardy bilý, olardyń erlikterin, atqarǵan isterin halyqqa nasihattaý, esten shyǵarmai urpaqqa jetkizý máseleleri aityldy. Tarihty qarasańyzdar qajet kezde ómir sahnaǵa elim, jerim, Otanym dep, azattyq jolynda janyn pida etken talai azamattardy shyǵaryp otyrǵan. Solardyń biregeii Mahambet desek artyq bolmaidy, – dedi aimaq basshysy.
Aita ketelik, mundai shara Atyraýda 2003 jyly IýNESKO-nyń qoldaýymen ótkizildi. Qazaqstannyń eńbek sińirgen qairatkeri Qoishyǵul Jylqyshievtyń ideiasymen ótkizilgen "Mahambet poeziiasy kúnin" biyldan bastap jyl saiyn uiymdastyrý josparlanǵan. Shara aiasynda Mahambet syilyǵy taǵaiyndalyp, ár túrli salada ozyp shyqqandardy marappattaý qolǵa alynýy múmkin.
