زيمبابۆەنٸڭ بۇرىنعى پرەزيدەنتٸ, افريكانى ازات ەتۋ قوزعالىسى جەتەكشٸلەرٸنٸڭ بٸرٸ, ديكتاتور روبەرت مۋگابە 96 جاسىندا قايتىس بولدى, - دەپ حابارلادى بريتاندىق BBC تەلەارناسى. ونىڭ قايتىس بولعانىن تۋىستارى راستادى.
مۋگابە سينگاپۋردا وتباسىنىڭ ورتاسىندا, سونىڭ ٸشٸندە جۇبايى گرەيستٸڭ قاسىندا اۋرۋحانادا كٶز جۇمدى.
«ٶكٸنٸشكە وراي, بٸز ودان ايىرىلىپ قالدىق. بٸز بۇل كٷن ەشقاشان كەلمەيتٸن بولار دەپ ٷمٸتتەندٸك. ول جاقسى ٶمٸر سٷردٸ», - دەدٸ مۋگابە بيلٸگٸ كەزٸندەگٸ بۇرىنعى مينيسترٸ. ول اتى-جٶنٸن جارييالاماۋدى جٶن كٶردٸ.
مۋگابە وڭتٷستٸك رودەزييانىڭ (زيمبابۆەنٸڭ بۇرىنعى اتى) ۇلىبريتانييادان تەۋەلسٸزدٸك الۋىنا كٷش سالعان ۇيىمعا جەتەكشٸلٸك ەتتٸ. 1965 جىلى مەملەكەت تەۋەلسٸزدٸگٸن جارييالادى. بٸراق ونىڭ تەۋەلسٸزدٸگٸن حالىقارالىق قاۋىمداستىق مويىندامادى.
1980 جىلى ەلدە ازاماتتىق سوعىس اياقتالىپ, مۋگابە سايلاۋدا جەڭٸسكە جەتتٸ. تەۋەلسٸز زيمبابۆەنٸڭ پرەمەر-مينيسترٸ بولىپ تاعايىندالدى.
زيمبابۆەنٸ تەۋەلسٸزدٸك العان 1980 جىلدان بەرٸ باسقارعان روبەرت مۋگابە 2017 جىلى ەسكەري تٶڭكەرٸستەن سوڭ بيلٸكتەن كەتكەن.
سىنشىلار مۋگابە رەجيمٸن دەموكراتييالىق پروتسەستەردٸ تەجەدٸ, اق نەسٸل ٶكٸلدەرٸن قۋعىندادى, ەلدٸ ەكونوميكالىق تىعىرىقتان شىعارا المادى دەپ سىنادى. ەلدٸ باسقارىپ تۇرعان تۇستا ينفلياتسييا دەڭگەيٸ ەكٸ ميلليون پروتسەنتكە جەتتٸ, تۇرعىندارىنىڭ 90 پايىزى جۇمىسسىز بولدى.
مۋگابەنٸڭ ٶزٸ مەسەلەنٸڭ تٷپ-تامىرىن "ەلەمدٸك وتارلاۋشىلار" مەن ٸشكٸ جەنە سىرتقى كٷشتەردەن كٶردٸ. 2015-2016 جىلدار ارالىعىندا ول افريكا وداعىن باسقاردى.
