الماتى وبلىسىندا جىلقىنى كٶلٸكپەن ەدەيٸ باسقان جٷرگٸزۋشٸگە قاتىستى ەكٸمدٸك تٷسٸنٸكتەمە بەردٸ, دەپ حابارلايدى قازاقپارات.
«ٸلە اۋدانىندا جول تالعامايتىن كٶلٸكپەن جىلقىنى ەدەيٸ باسقان وقيعا شٸلدەنٸڭ 16-دا بولعان. قازٸر جٷرگٸزۋشٸگە قاتىستى قر قىلمىستىق كودەكسٸنٸڭ 316-بابى «جانۋارلارعا قاتىگەزدiك جاساۋ» دەرەگٸ بويىنشا ٸس قوزعالدى. وبلىستىق پوليتسييا دەپارتامەنتٸنٸڭ باسپاسٶز قىزمەتٸ وقيعا باسشىلىقتىڭ نازارىنا الىنعانىن جەتكٸزدٸ», - دەپ جازدى ٶزٸنٸڭ Facebook-تەگٸ پاراقشاسىندا الماتى وبلىسى ەكٸمٸنٸڭ باسپاسٶز قىزمەتٸنٸڭ جەتەكشٸسٸ عالىمۇرات جٷكەل.
ايتا كەتەيٸك, ەر ادامنىڭ جول تالعامايتىن كٶلٸكپەن جىلقىنى قاساقانا تٷردە باسىپ جاتقان ۆيدەوسى جەلٸگە تارااعان بولاتىن. ۆيدەو اۆتورى جىلقىنى باسقان ادامدى پوليتسييا الىپ كەتٸپ, ارتىنشا بوستاندىققا جٸبەرە سالعاندىعىنا شاعىمدانادى.
«مىنا جٸگٸت كەشە بٸزدٸڭ جىلقىمىزدى كٶلٸكپەن باسقان. كەشە تٷندە پوليتسييا الىپ كەتكەن. ال بٷگٸن بوستاندىقتا جٷر. بۇل نە ماسقارا!» - دەيدٸ ۆيدەوعا تٷسٸرٸپ تۇرعان اۆتور.
ال پوليتسييا كٷدٸكتٸنٸڭ ارنايى قولحاتپەن بوساتىلعانىن حابارلادى.
«16 شٸلدە كٷنٸ ٸلە اۋدانىنداعى مەجدۋرەچينسك اۋىلىنىڭ 38 جاستاعى تۇرعىنى كٶرشٸسٸمەن جانجالداسىپ, ونىڭ جىلقىسىن قاساقانا تٷردە جول تالعامايتىن كٶلٸكپەن باسقان. قازٸر كٷدٸكتٸنٸڭ ٷستٸنەن قر قك 316 بابى (جانۋارلارعا قاتىگەزدiك جاساۋ) بويىنشا ٸس قوزعالدى. ارنايى قولحاتپەن بوساتىلدى», - دەلٸنگەن الماتى وبلىستىق پوليتسييا دەپارتامەنتٸ باسپاسٶز قىزمەتٸنٸڭ حابارلاماسىندا.
