ٷكٸمەت باسشىسىنىڭ ورىنباسارى - قارجى مينيسترٸ ەليحان سمايىلوۆ پاتەنت نەگٸزٸندە جۇمىس ٸستەيتٸن كەسٸپكەرلەر سالىقتان قالاي بوساتىلاتىنىن تٷسٸندٸردٸ, دەپ حابارلايدى "ۇلت اقپارات".
ونىڭ ايتۋىنشا, بٷگٸندە پاتەنت سيياقتى ارنايى سالىق رەجيمٸمەن جۇمىس ٸستەيتٸن كەسٸپكەرلەر جىل سوڭىندا ەسەپ-قيساپتى تاپسىرىپ, سالىقتى تولىعىمەن تٶلەپ تاستاۋعا مٸندەتتٸ. ال پرەزيدەنتتٸڭ تاپسىرماسى بويىنشا وسى ساناتتاعى بيزنەسمەندەر دە ٷش جىلعا سالىقتان بوساتىلۋى شارت.
"مەسەلەن, كەلەسٸ جىلى جاڭا پاتەنت الۋ ٷشٸن كەسٸپكەرلەر بيىل جەلتوقسان سوڭىندا ەسەپتەرٸن تاپسىرىپ, سالىقتى تٶلەپ قويۋى تيٸس. بۇل - سالىق كودەكسٸنٸڭ تاپسىرماسى. مەملەكەت باسشىسى ولاردى دا ٷش جىلعا سالىق تٶلەۋدەن بوساتۋدى تاپسىرعان بولاتىن. وسىعان بايلانىستى تيٸستٸ شەشٸم قابىلداندى. ولار جىلدىڭ سوڭىندا ەسەپ-قيساپتى تاپسىرعاندا, "جەكە تابىس سالىعى" دەگەن جەردە "0"-دٸ قويادى. وسىلايشا, بيىل ولار سالىق تٶلەمەيدٸ", - دەدٸ سمايىلوۆ سەناتتىڭ پلەنارلىق وتىرىسىندا.
مينيستردٸڭ سٶزٸنە قاراعاندا, بٷگٸندە رەسپۋبليكا بويىنشا 88 مىڭ كەسٸپكەر پاتەنتپەن جۇمىس ٸستەيدٸ. ولاردىڭ جالپى سالىعى 350 ميلليون تەڭگەنٸ قۇرايدى.
ايتا كەتەيٸك, مەملەكەت باسشىسى قاسىم-جومارت توقاەۆ ٶزٸنٸڭ العاشقى حالىققا ارناعان جولداۋىندا شاعىن جەنە ميكرو بيزنەستٸ سالىقتان بوساتۋعا تاپسىرما بەرگەن بولاتىن.
"ٷكٸمەتكە ميكرو جەنە شاعىن بيزنەستٸ ٷش جىلعا تابىس سالىعىنان بوساتۋ تۋرالى زاڭ جوباسىن ەزٸرلەۋدٸ تاپسىرامىن", - دەدٸ توقاەۆ حالىققا ارناعان جولداۋىندا.
تيٸستٸ نورماتيۆتٸك ٶزگەرٸستەر 2020 جىلدان كٷشٸنە ەنۋٸ تيٸس. بۇدان بٶلەك, كەلەسٸ جىلى قاڭتار ايىنان باستاپ ميكرو جەنە شاعىن بيزنەستٸ تەكسەرۋگە ٷش جىلعا تىيىم سالىنادى.
