قاڭتار-سەۋٸر ايلارىندا وتاندىق قۇرىلىس ماتەريالدارى 16%-عا قىمباتتاعان. بۇل تۋرالى قر بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين ايتتى, دەپ حابارلايدى قازاقپارات.
«ۇلتتىق ستاتيستيكا بيۋروسىنىڭ دەرەكتەرٸ بويىنشا 2021 جىلعى قاڭتار-مامىر ايلارىندا باستاپقى تۇرعىن ٷي باعاسىنىڭ ٶسۋٸ 8%-دى قۇرادى. ەكٸنشٸ قايتالاما تۇرعىن ٷي باعاسىنىڭ ٶسۋٸ – 13%. وتاندىق قۇرىلىس ماتەريالدارىنىڭ باعاسىنا كەلسەك, بيىلعى قاڭتار-سەۋٸردە ٶسٸم 16% بولعان», - دەدٸ س. جۇمانعارين بٷگٸنگٸ ٷكٸمەت وتىرىسىندا.
تۇرعىن ٷيدٸڭ شارشى مەترٸنٸڭ ٶزٸندٸك قۇنىنىڭ 49%-ى قۇرىلىس ماتەريالدارىنان تۇرادى, ولاردىڭ نەگٸزگٸلەرٸ كٸرپٸش, تەمٸربەتون بۇيىمدارى, مەتالل كونسترۋكتسييالار بولىپ وتىر.
«جىل باسىنان بەرٸ باعانىڭ ٶسۋٸ بەتونعا 12%, تسەمەنتكە – 5%, (ٸشكٸ نارىقتىڭ قامتاماسىز ەتٸلۋٸ 100%), پوليەتيلەندٸ قۇبىرلارعا – 10% (نارىقتىڭ قامتاماسىز ەتٸلۋٸ – 86%), سيليكاتتى كٸرپٸشكە – 6%, ٸشكٸ نارىقتىڭ قامتاماسىز ەتٸلۋٸ 50%-دىڭ ٶزٸندە ارماتۋرا, شىنى سيياقتى يمپورتقا تەۋەلدٸ ماتەريالدار باعاسىنىڭ ەڭ كٶپ ٶسۋٸ بايقالادى», - دەيدٸ س. جۇمانعارين.
قۇرىلىس ماتەريالدار نارىقتارىنىڭ قاتىسۋشىلارى حابارلاعانداي, قىمباتتاۋدىڭ نەگٸزگٸ سەبەپتەرٸ ەلەكتر ەنەرگيياسىنىڭ, ماگيسترالدىق تەمٸرجول جەلٸسٸ مەن جانار-جاعارماي ماتەريالدارى قىزمەتٸنٸڭ كٶتەرٸلۋٸ بولعان.
