فوتو: © Sputnik / ابزال كاليەۆ
2023 جىلدىڭ 11 ايىندا مەملەكەتتٸك ەلەۋمەتتٸك ساقتاندىرۋ قورىنان 1,2 ملن ادام جالپى سوماسى 682,6 ملرد تەڭگەگە ەلەۋمەتتٸك تٶلەمدەر الدى, بۇل 2022 جىلدىڭ سەيكەس كەزەڭٸمەن سالىستىرعاندا 72%-عا ارتىق, دەپ حابارلايدى "ۇلت اقپارات" ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە سٸلتەمە جاساپ.
"ەڭبەككە قابٸلەتتٸلٸگٸنەن ايىرىلۋ جاعدايىنا مەسق-تان تٶلەنەتٸن ەلەۋمەتتٸك تٶلەم بيۋدجەت قاراجاتى ەسەبٸنەن مٷگەدەكتٸگٸ بويىنشا بەرٸلەتٸن مەملەكەتتٸك ەلەۋمەتتٸك جەردەماقىعا قوسىمشا تاعايىندالادى. مەسق-تان تاعايىندالاتىن تٶلەم جالپى ەڭبەككە قابٸلەتتٸلٸگٸنەن ايىرىلۋ دەرەجەسٸن 30%-دان 100%-عا دەيٸن مەديتسينالىق-ەلەۋمەتتٸك ساراپتاما بەلگٸلەگەن كەزەڭگە تٶلەنەدٸ جەنە ەڭبەك قىزمەتٸن جالعاستىرۋىنا قاراماستان جٷرگٸزٸلەدٸ.
2023 جىلعى 1 جەلتوقسانداعى جاعداي بويىنشا مەسق-تان اتالعان تٶلەمدٸ 35,1 ملرد تەڭگە سوماسىنا 99 مىڭعا جۋىق ادام الدى, بۇل 2022 جىلدىڭ سەيكەس كەزەڭٸمەن سالىستىرعاندا 26%-عا ارتىق. تاعايىندالعان تٶلەمنٸڭ ورتاشا مٶلشەرٸ 46 681 تەڭگەنٸ قۇرادى.
اسىراۋشىسىنان ايىرىلۋ جاعدايى بويىنشا ەلەۋمەتتٸك تٶلەم مٸندەتتٸ ەلەۋمەتتٸك ساقتاندىرۋ جٷيەسٸنە قاتىسۋشىنىڭ اسىراۋىندا بولعان ادامدارعا بيۋدجەت قاراجاتى ەسەبٸنەن تٶلەنەتٸن اسىراۋشىسىنان ايىرىلۋ بويىنشا مەملەكەتتٸك ەلەۋمەتتٸك جەردەماقىعا قوسىمشا تاعايىندالادى. مەسق-تان بەرٸلەتٸن تٶلەم اسىراۋىنداعى ادامدار 18 جاسقا تولعانعا دەيٸن, ال كٷندٸزگٸ وقۋ نىسانى بويىنشا 23 جاسقا دەيٸن جٷزەگە اسىرىلادى" - دەلٸنگەن حابارلامادا.
ۆەدومستۆو مەلٸمەتٸنشە, وسى جىلدىڭ 11 ايىندا اتالعان تٶلەمدٸ اسىراۋشىسىنان ايىرىلعان 63,4 مىڭ وتباسى 24,3 ملرد تەڭگە سوماعا الدى, بۇل ٶتكەن جىلدىڭ سەيكەس كەزەڭٸمەن سالىستىرعاندا 25%-عا ارتىق. تاعايىندالعان تٶلەمنٸڭ ورتاشا مٶلشەرٸ 51 663 تەڭگەنٸ قۇرادى.
جۇمىسىنان ايىرىلۋ جاعدايى بويىنشا ەلەۋمەتتٸك تٶلەم مٸندەتتٸ ەلەۋمەتتٸك ساقتاندىرۋ جٷيەسٸنە قاتىسۋشىعا ونىڭ جۇمىستان شىعۋ سەبەبٸنە قاراماستان تاعايىندالادى. ونى تاعايىنداۋدىڭ باستى شارتى – جۇمىسسىز رەتٸندە تٸركەلۋ. تٸركەلۋ ارقىلى قاتىسۋشى ەلەۋمەتتٸك تٶلەمدٸ تاعايىنداۋ قۇقىعىنا يە بولادى. تٶلەم جٷيەگە قاتىسۋ ٶتٸلٸنە بايلانىستى 1 ايدان 6 ايعا دەيٸن تاعايىندالادى. تٶلەم مٶلشەرٸ جۇمىسسىز رەتٸندە تٸركەلگەنگە دەيٸنگٸ سوڭعى 2 جىل ٸشٸندە مەسق-كە ەلەۋمەتتٸك اۋدارىمدار جٷرگٸزٸلگەن ورتاشا ايلىق تابىسقا, جٷيەگە قاتىسۋ ٶتٸلٸنە جەنە 2023 جىلعى 1 قاڭتاردان باستاپ 40%-دان 45%-عا دەيٸن ارتتىرىلعان كٸرٸستٸ الماستىرۋ كوەففيتسيەنتٸنە بايلانىستى بولادى.
2023 جىلدىڭ 11 ايىندا اتالعان تٶلەم 44,5 ملرد تەڭگە سوماسىنا جٷزەگە اسىرىلدى, ونى 206,6 مىڭ ادام الدى, بۇل 2022 جىلدىڭ ۇقساس كەزەڭٸندەگٸ الۋشىلار سانىنان 2 ەسە ارتىق. ٶسٸم ٶتكەن جىلدىڭ 1 قىركٷيەگٸنەن باستاپ وتباسىنىڭ تسيفرلىق كارتاسىن ەنگٸزۋمەن بايلانىستى, ونىڭ شەڭبەرٸندە جۇمىسىنان ايىرىلۋ بويىنشا تٶلەم پرواكتيۆتٸ تٷردە بەرٸلەدٸ, تەك تٶلەم تاعايىنداۋعا كەلٸسٸمدٸ راستاۋ, سونداي-اق ازاماتتاردان «ەلەكتروندىق ٷكٸمەت» پورتالى, «ەلەكتروندىق ەڭبەك بيرجاسى» پورتالى جەنە ەكٸنشٸ دەڭگەيلٸ بانكتەردٸڭ موبيلدٸ قوسىمشالارى ارقىلى تٶلەمگە ٶتٸنٸشتەر بەرۋدٸڭ ەلەكتروندىق نىسانىن تالاپ ەتۋ جەتكٸلٸكتٸ. تاعايىندالعان تٶلەمنٸڭ ورتاشا مٶلشەرٸ شامامەن 59 مىڭ تەڭگەنٸ قۇرادى.
"جٷكتٸلٸككە جەنە بوسانۋعا, جاڭا تۋعان بالانى (بالالاردى) اسىراپ الۋعا بايلانىستى تابىسىنان ايىرىلعان جاعدايدا تٶلەنەتٸن ەلەۋمەتتٸك تٶلەم جٷكتٸلٸگٸ جەنە بوسانۋى بويىنشا دەمالىستىڭ بارلىق كٷندەرٸنە تاعايىندالادى. تٶلەم مٶلشەرٸ جٷكتٸلٸككە جەنە بوسانۋعا بايلانىستى دەمالىس كٷنٸنە دەيٸنگٸ سوڭعى 12 ايدا مەسق-كا ەلەۋمەتتٸك اۋدارىمدار جٷرگٸزٸلگەن ورتاشا ايلىق تابىسقا جەنە ەڭبەككە جارامسىزدىق كٷندەرٸنٸڭ سانىنا بايلانىستى.
2023 جىلعى 1 جەلتوقسانداعى جاعداي بويىنشا اتالعان بٸرجولعى تٶلەمدٸ جالپى سوماسى 323 ملرد تەڭگەگە 269,7 مىڭ ادام الدى, بۇل ٶتكەن جىلدىڭ سەيكەس كەزەڭٸمەن سالىستىرعاندا سومادان شامامەن 2 ەسە ارتىق. تاعايىندالعان تٶلەمنٸڭ ورتاشا مٶلشەرٸ 1 236 567 تەڭگەنٸ قۇرادى.
بٸر جارىم جاسقا دەيٸنگٸ بالا كٷتٸمٸنە بايلانىستى تابىسىنان ايىرىلۋ جاعدايى بويىنشا اي سايىنعى ەلەۋمەتتٸك تٶلەم مٸندەتتٸ ەلەۋمەتتٸك ساقتاندىرۋ جٷيەسٸنە قاتىسۋشىعا بالا تۋعان كٷنٸنەن باستاپ تاعايىندالادى. تٶلەم مٶلشەرٸ سوڭعى 2 جىلدا مەسق-كە ەلەۋمەتتٸك اۋدارىمدار جٷرگٸزٸلگەن ورتاشا ايلىق تابىستىڭ 40% - ىن قۇرايدى. ەكٸ جەنە ودان دا كٶپ بالا تۋعان كەزدە تٶلەم ەر بالاعا جەكە تاعايىندالادى.
2023 جىلعى قاڭتار-قاراشا ارالىعىندا بۇل تٶلەم 289,4 مىڭ ادامعا تاعايىندالدى جەنە اي سايىنعى ورتاشا تٶلەم مٶلشەرٸ 68 328 تەڭگەنٸ قۇرادى. تٶلەم 255,7 ملرد تەڭگە سوماسىنا جٷرگٸزٸلدٸ, بۇل 2022 جىلدىڭ سەيكەس كەزەڭٸمەن سالىستىرعاندا 63% - عا ارتىق. كٶرسەتٸلگەن تٶلەمنٸڭ ٶسۋٸ 2023 جىلعى قاڭتاردان باستاپ تٶلەم كەزەڭٸنٸڭ بٸر جىلدان بٸر جارىم جىلعا دەيٸن ۇلعايۋىمەن بايلانىستى" - دەلٸنگەن مينيسترلٸك حابارلاماسىندا.
