جىل باسىنان بەرٸ ەلگە كەلگەن 6935 قازاق «قانداس» مەرتەبەسٸنە يە بولدى. ولاردىڭ ٸشٸندە 404 قانداس قازاقستان ازاماتتىعىن الدى, دەپ حابارلايدى "ۇلت اقپارات" «وتانداستار» قورىنا سٸلتەمە جاساپ.
«جالپى 1991 جىلدان بەرٸ رەسپۋبليكاعا 1 ملن 77,3 مىڭ ەتنيكالىق قازاق ورالدى. قازاقستانعا كەلگەن قانداستاردىڭ جارتىسىنان كٶبٸ, ياعني 76,3% - ٶزبەكستاننان كەلسە, 10,4% – قىتايدان, 6,2% – تٷرٸكمەنستاننان, 2,7% – موڭعولييادان, 1,2% – قىرعىزستان, 0,5% – يران, 0,3% – اۋعانستان جەنە قالعان 2,5% باسقا ەلدەردەن قونىس اۋدارعان», - دەلٸنگەن «وتانداستار» قورىنىڭ حابارلاماسىندا.
ەلگە كەلگەن ەتنيكالىق قازاقتار نەگٸزٸنەن الماتى, تٷركٸستان, ماڭعىستاۋ جەنە جامبىل وبلىستارىنا, سونداي-اق شىمكەنت قالاسىنا قونىستانعان.
«2019 جىلى 17 661 ەتنيكالىق قازاق نەمەسە 9 993 وتباسى تاريحي وتانىنا ورالدى جەنە قانداس مەرتەبەسٸنە يە بولدى. ەلٸمٸزدە جىل سايىنعى قانداستاردى قابىلداۋ كۆوتاسى توقتاعان جوق. 2019 جىلى قر ٷكٸمەتٸنٸڭ قاۋلىسىمەن قانداستاردى قابىلداۋدىڭ ٶڭٸرلٸك كۆوتاسى 2031 ادام بولدى.
2020 جىلى 13 مىڭنان استام ەتنيكالىق قازاق «قانداس» مەرتەبەسٸن الدى.
ٶتكەن جىلى قازاقستانعا كەلگەن قانداستاردىڭ جارتىسىنان كٶبٸ (53,1%) - قحر-دان, 31,3% – ٶزبەكستاننان, 8,7% – تٷركٸمەنستاننان, 3,7% – موڭعولييادان جەنە 3,3% - باسقا ەلدەردەن كەلگەن.
ولار نەگٸزٸنەن الماتى, ماڭعىستاۋ جەنە تٷركٸستان وبلىستارىندا, سونداي-اق نۇر-سۇلتان جەنە شىمكەنت قالالارىندا قونىستاندى.
2020 جىلدىڭ قورىتىندىسى بويىنشا ەڭبەككە قابٸلەتتٸ جاستاعى قونىس اۋدارۋشىلار سانى 57,1%, ەڭبەككە قابٸلەتتٸ جاستان كٸشٸ 31,9%-دى جەنە زەينەتكەرلەر 11%-دى قۇرايدى», - دەيدٸ قور.
2021 جىلعى 1 ماۋسىمداعى مەلٸمەت بويىنشا, ەلٸمٸزدە 6935 ادام «قانداس» مەرتەبەسٸنە يە بولدى. ولاردىڭ ٸشٸندە 404 قانداس قازاقستان ازاماتتىعىن الدى.
«2021 جىلعا ارنالعان قانداستاردى قابىلداۋدىڭ ٶڭٸرلٸك كۆوتاسى 1 426 ادامعا جوسپارلانعان: اقمولا وبلىسى – 258 ادام, قوستاناي وبلىسى – 350 ادام, شىعىس قازاقستان وبلىسى – 195 ادام, سولتٷستٸك قازاقستان وبلىسى – 123 ادام, پاۆلودار وبلىسى – 500 ادام», - دەيدٸ «وتانداستار» قورى.
