"جٷز جاڭا ەسٸم" جەڭٸمپازدارىنىڭ جەتٸستٸككە جەتۋ جولى قانداي?

بٷگٸن ەلوردادا ەلباسى ن.نازارباەۆ «جٷز جاڭا ەسٸم» جوباسىنىڭ ەكٸنشٸ كەزەڭٸ جەڭٸمپازدارىمەن جٷزدەستٸ.

مەملەكەت باسشىسى قازمەديا ورتالىعىندا ٶتكەن جيىندا ەلٸمٸزدٸڭ ەر تٷكپٸرٸنەن كەلگەن جوبا قاتىسۋشىلارىنىڭ جەتٸستٸككە جەتۋ جولىمەن تانىستى.

العاش بولىپ ساحناعا كٶتەرٸلگەن «پيفاگور» كومپانييالار توبىنىڭ جەتەكشٸسٸ اسان جولداسوۆ 10 جىلدا 10 مىڭ بالانى تەربيەلەگەنٸن اتاپ ٶتتٸ.

وقۋشى كەزٸنەن-اق ماتەماتيكادان رەسپۋبليكالىق, حالىقارالىق وليمپيادالارعا قاتىسىپ, جٷلدەلٸ ورىندارعا يە بولعان ول 19 جاسىندا ٶز مەكتەبٸن اشقان.

«بٷگٸندە «پيفاگور» ٷلكەن كومپانيياعا اينالدى. الماتى, استانا جەنە تاراز قالاسىنداعى مەكتەپتەرٸمٸزدە 136 مۇعالٸم جۇمىس ٸستەيدٸ, 1500 تالانتتى بالا بٸلٸم الىپ جاتىر», - دەيدٸ اسان جولداسوۆ.

اساننىڭ ايتۋىنشا, «پيفاگور» مەكتەبٸنٸڭ شەكٸرتتەرٸ ەل قۇراماسىنىڭ جارتى بٶلٸگٸن قۇرايدى. كٶبٸسٸ حالىقارالىق وليمپيادالاردا باس جٷلدەگە يە بولىپ, ەلەمدٸك ارەنادا ەل نامىسىن قورعاپ جٷر.

ٷشٸنشٸ سىنىپتا وقىپ جٷرگەندە ترانسفورماتوردىڭ توعىنا تٷسٸپ, بٸر قولى مەن بٸر اياعىنان ايىرىلعان ەرجاننىڭ ٶمٸر جولى مٷلدە بٶلەك. تاعدىر تەلكەگٸنە تٷسسە دە مويىماعان ول جٷزۋدٸ ٷيرەنٸپ, بيٸك بەلەستەردٸ باعىندىرعان. ەرجان بٷگٸنگٸ تاڭدا xالىقارالىق دەرەجەدەگٸ سپورت شەبەرٸ, ەلەم كۋبوگىنىڭ تٶرت دٷركٸن يەگەرٸ, ازييا ويىندارىنىڭ ەكٸ مەرتە جەڭٸمپازى اتانعان.

«سپورت مەنٸڭ ٶمٸرٸمدٸ تٷبەگەيلٸ ٶزگەرتتٸ. قايسار مٸنەزٸمنٸڭ ارقاسىندا ەشقانداي قيىنشىلىقتارعا قاراماي, الدىما مايقسات قويىپ, كٷندە جاتتىقتىم. بٷگٸندە ٷلكەن جەتٸستٸكتەرگە جەتٸپ وتىرمىن. يندونەزييا ەلٸ جاكارتا قالاسىنا ٶتكەن جازعى پاراازييا ويىندارىندا قوس التىن مەدال ەنشٸلەدٸم. 50 مەتردٸ 31 سەكۋندتا باعىندىرسام, 100 مەتردٸ 1 مينۋت 8 سەكۋندتا باعىندىردىم. بۇل – مەنٸڭ جەكە رەكوردىم. ەندٸگٸ ماقساتىم - توكيو وليمپياداسىندا چەمپيون اتانۋ», - دەيدٸ ەرجان سەلٸمگەرەۆ.

حالىقارالىق فوتوجۋرناليست ەرٸ اناليتيك نازگٷل كەنجەتايدىڭ جانكەشتٸ جۇمىسى, ٸزگٸلٸك اڭساعان اسقاق ارمانى كٶپشٸلٸك كٶڭٸلٸن تولقىتتى. 23 جاسار قىزدىڭ ەسكەري جۋرناليستيكا جولىنداعى باتىل قادامدارى شەت ەلدەردە جوعارى باعالانىپ, ٷزدٸك جوبالاردىڭ قاتارىنا قوسىلعان. 

نازگٷلدٸڭ نەگٸزگٸ ماقساتى – وتانسىزدىقتىڭ نە ەكەنٸن كٶرسەتۋ, بەيبٸتشٸلٸكتٸڭ قانشالىقتى باعالى ەكەنٸن جەتكٸزۋ. ەلەمنٸڭ ەر تٷكپٸرٸندە بولىپ جاتقان قاقتىعىستاردى سٶز ەتكەن ول, تاياۋ شىعىستاعى تالقاندالعان تاعدىرلاردى دا تٸلگە تيەك ەتتٸ.

«ستۋدەنتتٸك كەزدەن باستاپ وسى مەسەلەلەردٸ جاقىنىراق زەرتتەۋدٸ قولعا الدىم. ادامزاتتىڭ باسىنا كەلگەن بۇل پروبلەمانى زەرتتەۋ ارقىلى تەڭٸزدە بٸر تامشى بولسام دا, ەلەمگە, ادامزاتقا كٶمەگٸم تيسە ەكەن دەيمٸن. مەن ەمەس, ماماندىعىم مەنٸ تاڭدادى. وسىلايشا, جاس مامان ٷشٸن جاۋاپكەرشٸلٸگٸ ٶتە اۋىر جولعا شىقتىم. وسى جولدا «جەناتتا ازىق كٶپ پە?» دەپ سۇراعان سەبيدٸ كٶردٸم... ٶزەندەي اعىپ, جوق بولىپ كەتكەن بٸر مەملەكەت كٶردٸم... بوسىپ كەتكەن xالىقتى كٶردٸم... بايراعى جەردە تاپتالعان ەل كٶردٸم جەنە سول بايراعىن قورعاي الماعان ەر كٶردٸم... وسىنىڭ بەرٸن كٶردٸم دە, قولىمنان كەلگەنشە ەلەمگە كٶرسەتۋگە تىرىستىم. ماقساتىم وتانسىزدىقتىڭ نە ەكەنٸن كٶرسەتۋ ەدٸ», - دەپ اعىنان جارىلدى نازگٷل.

ال, دەرٸگەر-رەپرودۋكتور الماز يبراگيموۆ ٶمٸرٸندەگٸ بٸر وقيعانىڭ بولاشاعىنا قالاي ەسەر ەتكەنٸن ايتىپ بەردٸ. ونىڭ ايتۋىنشا, قاراعاندى مەديتسينا اكادەميياسىن وقىپ جٷرگەن كەزدە حيرۋرگ بولدى ارمانداعان. الايدا, سوڭعى كۋرستا جاس وتباسىمەن بٸرگە پەتەر جالداپ تۇرعان كەزٸ ونىڭ ٶمٸرٸنٸڭ باسقا ارناعا بۇرىلۋىنا سەپتٸگٸن تيگٸزگەن. ناقتىراق ايتقاندا, ٷيلەنگەندەرٸنە 3 جىل بولعان جاراسىمدى جاس وتباسى بالا سٷيە الماعان. دەرٸگەرلەرگە بارىپ قانشا رەت تەكسەرٸلٸپ, ەمدەلسە دە بالالى بولۋ باقىتىنا جەتە الماي-اق قويعان. بۇل جاعدايدان كەيٸن الماز جاس وتباسىعا كٶمەكتەسۋدٸ ويلاپ, بەدەۋلٸك مەسەلەسٸن زەرتتەۋدٸ قولعا الادى.

تٸپتٸ, سەچەنوۆ اتىنداعى مەسكەۋ مەديتسينا اكادەميياسىنا وقۋعا اتتانىپ, كٷردەلٸ سالانىڭ سوڭىنا تٷسەدٸ. مەسكەۋ اكادەميياسىن بٸتٸرٸپ كەلگەننەن سوڭ «ەكومەد» اتتى بەدەۋلٸكتٸ ەمدەۋمەن اينالىساتىن ارنايى كلينيكاعا جۇمىسقا ورنالاسادى. ەۋروپا مەن اقش-تا بٸلٸمٸن جەتٸلدٸرٸپ, تەجٸريبەسٸن تولىستىرا تٷسەدٸ. وسىلايشا, دەرٸگەر-رەپرودۋكتورعا اينالادى.

«بٷگٸنگٸ كٷنٸ «استانا ەكومەدتەگٸ» ەرٸپتەستەرمەن بٸرگە 5 مىڭنان استام سەبيدٸڭ دٷنيەگە كەۋٸنە سەپ بولدىق. قازٸر كٷن سايىن 1-2 بالا ٶمٸرگە كەلەدٸ. ەلٸمٸزدٸڭ ايماقتارىندا 9 فيليال جۇمىس ٸستەيدٸ. «ەكومەد» كومپانيياسىنىڭ ارقاسىندا 12 مىڭ بالا دٷنيەگە كەلدٸ», - دەيدٸ الماز.

جٷز جاڭا ەسٸمنٸڭ قاتارىنا قوسىلعان اقىن ماقپال مىسا: «بٸز تەۋەلسٸزدٸك تۋدىرعان ەسٸمدەرمٸز. الاشتىڭ رۋحى بولىپ قايناعان قارا قازاننىڭ سۋى سارقىلعان جوق. بٷگٸندە مەن سيياقتى قالام تەربەپ جٷرگەن جاستار – سول قاسيەتتٸ سۋدىڭ بٸر-بٸر مٶلدٸر تامشىسى» دەپ سٶز باستاپ, شىعارماشىلىق جولىنا توقتالىپ ٶتتٸ.

بٷگٸندە اقىننىڭ ٶلەڭدەرٸ ەلەمنٸڭ بٸرنەشە تٸلٸنە اۋدارىلىپ, سول ەلدەردٸڭ انتولوگييالىق جىر-جيناقتارىندا جارىق كٶرگەن. ٶزٸ دە ٶزگە تٸلدەگٸ ٶلەڭدەردٸ قازاق تٸلٸنە تەرجٸمالاۋمەن اينالىسادى ەكەن.

سونداي-اق ول قر تۇڭعىش پرەزيدەنتٸ – ەلباسى قورى ۇيىمداستىرعان «التىن توبىلعى» رەسپۋبليكالىق بايقاۋىندا باس جٷلدەگە يە بولعان.

«مۇنىڭ بارلىعى ٶزٸڭٸز كٶشٸن باستاعان قازاق جۇرتىنىڭ قاسيەتتٸ تەۋەلسٸزدٸگٸنٸڭ ارقاسى دەپ بٸلەمٸن. بٷگٸنگٸدەي ادامزات بالاسىنىڭ اقىل-ويى الامانعا تٷسكەن زاماندى بٸزدٸڭ ەدەبيەتٸمٸزدٸڭ كٶركەيٸپ, كەمەلدەنۋٸ اسا ماڭىزدى. جان تازارماي دٷنيە تازارمايدى. ادامدار بٸر-بٸرٸنٸڭ قادٸرٸنە جەتٸپ, باعالاي بٸلسە, جاقسى كٶرٸپ باقىت سىيلاسا. ٶمٸر دەگەن وسى بٸر ادامي قۇندىلىقتاردان تۇرادى», - دەيدٸ جاس اقىن.

جوبا بارىسىندا ۇيىمداستىرۋشى تاراپ اقىننان پاتريوتتىق تاقىرىپتا ٶلەڭ وقۋىن سۇراعان ەكەن. الايدا ول ەلباسىنىڭ رۇقساتىن سۇراي وتىرىپ, ماحاببات جايلى ٶلەڭٸن وقىپ بەردٸ.

ماقپال مىسا «الىستاما» دەپ اتالاتىن ٶلەڭٸن وقىپ, كٶپشٸلٸكتٸڭ ىستىق ىقىلاسىنا بٶلەندٸ.

مەملەكەت باسشىسى سٶيلەگەن سٶزٸندە قازاقستاننىڭ مەملەكەتتٸلٸگٸ مەن ەگەمەندٸگٸن نىعايتۋ جولىندا جاستارىمىزدىڭ ەلەۋەتٸن پايدالانۋدىڭ ماڭىزدى ەكەنٸن اتاپ ٶتتٸ.  

«بەرٸڭٸز دە – تەۋەلسٸزدٸكتٸڭ پەرزەنتٸسٸزدەر. بٸز – بابالارىمىزدىڭ ارمانىن جٷزەگە اسىرعان ۇرپاقپىز. ەندٸ سٸزدەردٸڭ ۋاقىتتارىڭىز كەلدٸ. مۇنى ۇمىتپاۋعا تيٸسسٸزدەر», – دەدٸ ەلباسى.

ەلباسى جوباعا قاتىسۋشىلاردىڭ جەتٸستٸكتەرٸنە توقتالىپ, جاستاردىڭ تۇلعالىق جەنە كەسٸبي تۇرعىدان ٶسۋٸ ٷشٸن ٶز مٷمكٸندٸكتەرٸ مەن ۋاقىتىن تيٸمدٸ پايدالانۋدىڭ ماڭىزدى ەكەنٸن اتاپ ٶتتٸ.  

نۇرسۇلتان ەبٸشۇلى تٷرلٸ سالاداعى جەتٸستٸكتەرگە قاتىستى تٷرلٸ مىسالدار كەلتٸرٸپ, ەلٸمٸزدٸ دامىتۋ ٸسٸندەگٸ بەلسەندٸ جاستاردىڭ رٶلٸنە توقتالدى.

سونىمەن قاتار «جٷز جاڭا ەسٸم» جوباسىنىڭ الداعى ۋاقىتتا جالعاسىن تاباتىنىن ايتا كەلٸپ, بۇل جوبانىڭ مەن-ماڭىزىن تٸلگە تيەك ەتتٸ.

جيىن سوڭىندا نۇرسۇلتان نازارباەۆ جوباعا قاتىسۋشىلاردىڭ بەرٸنە ريزاشىلىق بٸلدٸرٸپ, قازاقستان جاستارىن ەلٸمٸزدٸ ودان ەرٸ دامىتۋ ٸسٸنە بەلسەندٸ اتسالىسۋعا شاقىردى.

سونىمەن, "قازاقستاننىڭ 100 جاڭا ەسٸمٸ" جوباسىنىڭ جەڭٸمپازدارى تٸزٸمٸن نازارلارىڭىزعا ۇسىنامىز (2018 ج.):        

1. لاريون ليان

2. اسان جولداسوۆ

3. بولات سۇلتانقۇلوۆ

4. چينگيز شاشكين

5. ايدوس سايلىعاراەۆ

6. الەكساندر پۋپەنكو

7. ەلٸبەك ەلماديەۆ

8. باتىرجان سماقوۆ

9. الماز يبراگيموۆ

10. يۆان كرەپاك

11. نۋرحات جاكيەۆ

12. ەلٸبەك يبراەۆ

13. دەۋرەن ەدٸلباي

14. سۋحراب جاپاروۆ

15. تاميلا مۋريدوۆا

16. ەردوس تٶلەگەنوۆ

17. سەرٸك نۇركەنوۆ

18. مايا جۇمانبەكوۆا

19. ەمٸر قۋات

20. ماقپال تاجماعامبەتوۆا

21. مىنجىلقى بەردٸقوجاەۆ

22. نيكيتا اموسكين

23. باحتييار بازاربەكوۆ

24. ايدوس ەسماعامبەتوۆ

25. عالىم نۇرلانوۆ

26. ەرجان سەلٸمگەرەەۆ

27. انۆارا سادىكوۆا

28. نازگٷل كەنجەتاي

29. ەۆگەنيي چۋريكوۆ

ۇلت پورتالى