قر مەدەنيەت جەنە سپورت مينيسترٸ ارىستانبەك مۇحامەديۇلى ايتىس تٶڭٸرەگٸندەگٸ تٷيتكٸلدٸ ساۋالدارعا جاۋاپ بەردٸ, دەپ حابارلايدى قازاقپارات.
بٷگٸن ٷكٸمەت ٷيٸندە ٶتكەن باسپاسٶز مەسليحاتى بارىسىندا باق ٶكٸلدەرٸ مينيستردەن: «16 وبلىستا ايتىس ٶتكٸزٸلدٸ. ال سونىڭ جەڭٸمپازدارىمەن «التىن دومبىرا» ايتىسى نەلٸكتەن ٶتپەي قالدى? جٷرسٸن ەرماندار نەگە باسقا ايتىس ٶتكٸزدٸ? وسىعان قاراعاندا ايتىس ەكٸگە بٶلٸنگەنٸ مە?», - دەپ سۇراعان ەدٸ.
«ەرينە, ايتىس - بٸزدٸڭ تٶل دەستٷرٸمٸز. قازٸرگٸ كەزدە قازاقستاندا كەڭٸنەن دامىپ كەلە جاتىر. ايتىس - جەكەلەگەن تۇلعالاردىڭ مەنشٸكتەپ العان كەسٸبٸ ەمەس. ول - بٷكٸل حالىقتىڭ, قازاق حالقىنىڭ رۋحاني بايلىعى. سول سەبەپتٸ بٸز قازٸر ايتىستى ايماقتاردا ۇيىمداستىرامىز. مەسەلەن, اقتٶبەدە, ەلٸمٸزدٸڭ باسقا دا ايماقتارىندا ٶتتٸ», - دەدٸ ول.
ونىڭ ايتۋىنشا, جەرگٸلٸكتٸ ەكٸمدٸكتەر ايتىس قازىلار القاسىنىڭ تٶراعاسى كٸم بولاتىندىعىن, القاعا مٷشە بولىپ كٸمدەر شاقىرىلاتىندىعىن شەشٸپ, ونى مينيسترلٸكپەن كەلٸسەدٸ. جالپى, قازىلار القاسىن بەلگٸلەۋدٸڭ ارنايى ەرەجەسٸ دە بار.
«ال جٷرسٸن ەرمانعا كەلسەك, بٸز ول كٸسٸگە ٷلكەن قۇرمەتپەن قارايمىز. ٶزدەرٸڭٸز بٸلەسٸزدەر, ول كٸسٸ جەلتوقساننىڭ 28-29-ىندا الماتىدا ايتىس ٶتكٸزدٸ. سول كەزدە حابارلاسىپ, مينيسترلٸكتەن قانداي كٶمەك كەرەكتٸگٸن سۇرادىق. بىلايشا ايتقاندا, ول كٸسٸمەن بٸرگە ايتىسقا قاتىستى جۇمىس ٸستەۋگە ٷلكەن جوسپارىمىز بار», - دەدٸ مينيستر.
ونىڭ ايتۋىنشا, اقتٶبەدەگٸ ايتىسقا ەلٸمٸزدٸڭ 16 ٶڭٸرٸندە ۇيىمداستىرىلعان ايتىستىڭ جەڭٸمپازدارى قاتىسقان.
«ايتىس ٶتە جوعارى دەڭگەيدە ٶتتٸ. تەلەديداردان دا كٶرسەتٸلدٸ», - دەدٸ ول.
