تٷركٸستان وبلىسىندا جۋرناليستٸ ٶلتٸرۋگە تاپسىرىس بەرگەن شەنەۋنٸك پەن ونىڭ سىبايلاستارى سوتتالدى, - دەپ حابارلايدى "ۇلت اقپارات" كتك تەلەارناسىنا سٸلتەمە جاساپ.
تەلەارنا مەلٸمەتٸنشە, تٷركٸستان وبلىسى سارىاعاش اۋدانى بٸلٸم بٶلٸمٸنٸڭ بۇرىنعى باسشىسى باۋىرجان مايريحوۆ ەندٸ 11 جىلىن تەمٸر توردا ٶتكٸزەدٸ.
ال قىلمىستى ۇيىمداستىرۋعا كٶمەكتەسكەن ٷش ازامات 10 جەنە 13 جىل ارالىعىندا جازا ارقالاسا, وق اتقان جالدامالى ادام 12,5 جىلعا سوتتالدى.
"باس بوستاندىعىنان ايىرۋ جازاسىن تاعايىنداۋدا ولاردىڭ بۇرىن سوتتالماعانى, جەبٸرلەنۋشٸنٸڭ ٷش سوتتالۋشىعا قاتىستى كەشٸرٸم بەرگەنٸ, سونداي-اق ٷش سوتتالۋشىنىڭ اسىراۋىندا جاس بالاسى بولۋى, بارلىعىنىڭ دا بۇرىن سوتتالماعانى نازارعا الىندى. سوت ٷكٸمٸ زاڭدى كٷشٸنە ەنگەن جوق", - دەيدٸ تٷركٸستان وبلىسى قىلمىستىق ٸستەر جٶنٸندەگٸ مامانداندىرىلعان اۋدانارالىق سوت تٶراعاسى قاسىم قالماعامبەتوۆ.
ەسكە سالايىق, بيىل قاڭتاردا جۋرناليست امانگەلدٸ باتىربەكوۆتٸڭ ٷيٸنە كيللەر كەلٸپ مىلتىقپەن اتقان. بٸراق جالدامالى كيللەر جۋرناليستٸ ونىڭ ۇلىمەن شاتاستىرىپ العان. دەنەسٸنە بٸرنەشە وق تيگەن 31 جاستاعى جٸگٸت اۋىر جاراقات الىپ, ەمدەلٸپ شىققان بولاتىن.
كٶپ ۇزاماي شابۋىل جاساعاندار ۇستالدى. قولعا تٷسكەندەر كٸسٸ ٶلتٸرۋگە سارىاعاش اۋدانى بٸلٸم بٶلٸمٸنٸڭ باسشىسى باۋىرجان مايريحوۆ تاپسىرىس بەرگەنٸن ايتقان. سەبەبٸ شەنەۋنٸككە جۋرناليستٸڭ ٶزٸ تۋرالى بٸرنەشە ٶتكٸر ماقالا جازعانى ۇناماعان. سوندىقتان ٶزٸنٸڭ كٶمەكشٸسٸنە 5 ميلليون تەڭگە بەرٸپ, تٸلشٸنٸڭ كٶزٸن جويۋدى تاپسىرعان.
