اقپارات جەنە كوممۋنيكاتسييالار مينيسترٸ دەۋرەن اباەۆ مەملەكەتتٸك قىزمەتكەرلەردٸڭ جالاقىسى ولاردىڭ جۋرناليستەر جولداعان ساۋالدارعا بەرگەن جاۋابىنىڭ ساپاسىنا بايلانىستى بولاتىنىن ايتتى, - دەپ حابارلايدى kaz.tengrinews.kz.
اباەۆ جۋرناليستەرگە بەرٸلگەن جاۋاپتاردىڭ ساپاسى مەن ونىڭ جولدانعان ۋاقىتىنىڭ بونۋستىق-بالدىق جٷيەدە ەسكەرٸلەتٸنٸن ايتتى.
"ياعني, ەگەر ول جۋرناليسكە جاۋاپ بەرمەسە, ونىڭ رەيتينگٸ تٷسەدٸ. ول دەگەنٸمٸز از جالاقى مەن از بونۋس الادى دەگەن سٶز. (...) قىزمەتكەردە ارنايى KPI (جەتكەن جەتٸستٸكتەرٸنٸڭ كٶرسەتكٸشٸ - اۆتور.) بولادى. ول سول كٶرسەتكٸشكە سەيكەس بولۋى تيٸس, سوعان بايلانىستى جۇمىس ٸستەۋٸ كەرەك. ال باسشىسى ونى باقىلاپ وتىرادى - KPI-گە سەيكەس پە, جوق پا. ونى جۇمىستان قۋىپ جٸبەرٸپ, ورنىنا باسقا بٸرەۋدٸ السا دا بولادى. كەز كەلگەن شەنەۋنٸك جۋرناليستەرگە جاۋاپ بەرۋٸ تيٸس. سەبەبٸ ول الدا سۇراقتاردىڭ ەلٸ دە بولاتىنىن تٷسٸنەدٸ", - دەدٸ اباەۆ مەجٸلٸس وتىرىسىنان تىس.
سونداي-اق, اباەۆ باق ٶكٸلدەرٸنە رەسمي جاۋاپ بەرۋدەگٸ ەرەجەلەرگە توقتالدى.
"مەملەكەتتٸك ورگانداردا ٸشكٸ رەگلامەنتتەۋ بار. ياعني, تٶتەنشە جاعداي بولعان جاعدايدا بٸز بٸر ساعات ٸشٸندە سول جاعداي بويىنشا مٸندەتتٸ تٷردە تٷسٸنٸك بەرۋٸمٸز قاجەت. ال ول وقيعا رەسمي حابارلامالاردا شىعىپ قويعان جاعدايدا بٸز وعان بايلانىستى پٸكٸردٸ ٷش كٷن ٸشٸندە ەمەس, ەكٸ كٷندە بەرۋٸمٸز قاجەت. بٸز ۋاقىتتا كەرٸسٸنشە قىسقارتىپ جاتىرمىز. (...) رەسمي ٶكٸل دەگەن تٷسٸنٸكتٸ ەنگٸزٸپ جاتىرمىز. بۇقارالىق اقپارات قۇرالدارىمەن بايلانىسقا شىعىپ, ولارعا جەكە-جەكە جاۋاپ بەرەتٸن ادامعا ستاتۋس بەرٸپ جاتىرمىز", - دەدٸ مينيستر.
