بٷگٸننەن باستاپ مەجٸلٸس زاڭ شىعارۋ قىزمەتٸن ٷزدٸك ناسيحاتتاعان جۋرناليستەرگە ارنالعان «پارلامەنت سٶزٸ» سىيلىعىنا ٷمٸتكەرلەردەن ٶتٸنٸم قابىلداۋدى باستايدى, دەپ حابارلايدى "ۇلت اقپارات".
مەجٸلٸس باسپاسٶز قىزمەتٸنٸڭ مەلٸمەتٸنشە, ەلٸمٸزدە ورىن العان كارانتين رەجيمٸ مەجٸلٸس دەپۋتاتتارىنىڭ جۇمىس نىسانىن ٶزگەرتكەنٸمەن, ونىڭ مازمۇنىنا ەسەر ەتكەن جوق. وسى تۇرعىدا ماڭىزدى زاڭ جوبالارىن تالقىلاۋ, حالىقتى تولعاندىراتىن مەسەلەلەر بويىنشا ەزٸرلەنگەن دەپۋتاتتىق ساۋالدار بۇرىنعىداي جٷيەلٸ تٷردە جۋرناليستەرگە ۇسىنىلۋدا.
سوندىقتان بيىل دا باق قىزمەتكەرلەرٸ كٷنٸ قارساڭىندا مەجٸلٸس «پارلامەنت سٶزٸ» سىيلىعىنىڭ جەڭٸمپازدارىن انىقتايتىن بولادى.
ارنايى پارلامەنتتٸك سىيلىق 2016 جىلى پالاتا سپيكەرٸ نۇرلان نىعماتۋليننٸڭ تٶراعالىق ەتۋٸمەن مەجٸلٸس بيۋروسىنىڭ شەشٸمٸ بويىنشا تاعايىندالعان.
اتاۋلى سىيلىققا پالاتانىڭ زاڭ شىعارۋشىلىق قىزمەتٸ جايىندا 2019 جىلدىڭ 3 قىركٷيەگٸ مەن 2020 جىلدىڭ 15 ماۋسىمى ارالىعىندا جازىلعان جەنە جارىق كٶرگەن ماتەريالدار قابىلدانادى.
جەڭٸمپازدار مەجٸلٸستٸڭ قىزمەتٸ تۋرالى ٷزدٸك تەلەۆيزييالىق, مەرزٸمدٸك باسپاسٶز, عالامتور مەن راديوماتەريالدار, سونىمەن بٸرگە, فوتو جەنە بەينەماتەريالدار بويىنشا انىقتالادى.
سونداي-اق, قازاقستان پارلامەنتتٸك جۋرناليستيكاسىنىڭ دامۋى مەن ٶركەندەۋٸنە ٷلەس قوسقاندار دا ەسكەرٸلەدٸ.
ٶتٸنٸمدەر 2020 جىلدىڭ 22 ماۋسىمىنا دەيٸن قابىلدانادى.
قوسىمشا اقپاراتتى مەجٸلٸستٸڭ www.parlam.kz رەسمي سايتىنان الۋعا بولادى.
