فوتو: Pexels.com
ٶتكەن جىلى جول-كٶلٸك وقيعالارى الدىڭعى جىلمەن سالىستىرعاندا ەكٸ ەسەگە جۋىق كٶبەيٸپ كەتكەن. سونىمەن قاتار, جاراقات العان بالالار سانى 4 مىڭنان 10 مىڭعا دەيٸن ٶستٸ. سەناتور مارات قوجاەۆ ٶز دەپۋتاتتىق ساۋالىندا وسىنداي الاڭداتارلىق دەرەكتەردٸ جارييا ەتتٸ, دەپ حابارلايدى Ult.kz.
سەناتوردىڭ ايتۋىنشا, جول اپاتتارىنىڭ جيٸلەۋٸنٸڭ نەگٸزگٸ سەبەپتەرٸنٸڭ بٸرٸ – جٷرگٸزۋشٸلەردٸ دايىنداۋ دەڭگەيٸنٸڭ تٶمەندٸگٸ. باس پروكۋراتۋرانىڭ مەلٸمەتٸنشە, جول-كٶلٸك وقيعالارىنىڭ 96%-ى جول قوزعالىسى ەرەجەلەرٸن بۇزۋدان تۋىندايدى. كٶپتەگەن جٷرگٸزۋشٸلەر مەكتەبٸنٸڭ تٷلەكتەرٸ ساپالى بٸلٸم المايدى, ال كەيبٸر جٷرگٸزۋشٸ كۋەلٸگٸن زاڭسىز جولمەن يەمدەنەدٸ. تاكسي قىزمەتٸندە ەلەۋلٸ كەمشٸلٸكتەر بايقالىپ وتىر. تاكسي جٷرگٸزۋشٸلەرٸ دەمالىسسىز جۇمىس ٸستەيدٸ جەنە مٸندەتتٸ مەديتسينالىق تەكسەرۋدەن ٶتپەيدٸ, بۇل اۋىر زارداپتارعا ەكەلەدٸ.
«جٷرگٸزۋشٸلەردٸ دايارلاۋ جەنە اتتەستاتتاۋ جٷيەسٸن جەتٸلدٸرۋ شارالارىن قابىلداۋ قاجەت. بۇل ٷشٸن جٷرگٸزۋشٸلەردٸ وقىتاتىن ۇيىمدارعا مەملەكەتتٸك باقىلاۋ ەنگٸزۋ, ەمتيحان تاپسىرۋ جەنە جٷرگٸزۋشٸ كۋەلٸگٸن الۋ تەرتٸبٸن قايتا قاراۋ كەرەك. سونىمەن قاتار, اينالما جولداردىڭ قۇرىلىسىن جەدەلدەتۋ, ەلدٸ مەكەندەردە جارىقتاندىرۋ مەن جاياۋ جٷرگٸنشٸلەر ٶتكەلدەرٸن قامتاماسىز ەتۋ, جول-كٶلٸك وقيعالارىن ەسەپكە الۋدىڭ بٸرىڭعاي تسيفرلىق جٷيەسٸن ەزٸرلەۋ جەنە زاماناۋي جول ستاندارتتارىن ەنگٸزۋ ماڭىزدى. جول ەرەجەسٸن بۇزۋشىلارعا باقىلاۋدى كٷشەيتۋ ماقساتىندا جاسىرىن پاترۋلدەۋ ەدٸسٸن كەڭٸنەن قولدانۋ, قۇقىق بۇزۋشىلىقتاردى اۆتوماتتى تٷردە تٸركەۋ جەنە جول قوزعالىسى ەرەجەلەرٸن جٷيەلٸ تٷردە بۇزاتىن جٷرگٸزۋشٸلەردٸ قايتا ەمتيحان تاپسىرۋعا مٸندەتتەۋ ۇسىنىلادى», – دەپ اتاپ ٶتتٸ سەناتور مارات قوجاەۆ.
