«جۇمىسپەن قامتۋ جول كارتاسى» باعدارلاماسىنا بٶلٸنگەن قوماقتى قارجى قۇمعا سٸڭگەندەي جوق بولماۋى تيٸس. بۇل تۋرالى تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«حالىقتى جۇمىسپەن قولداۋ ٷشٸن «جۇمىسپەن قامتۋ جول كارتاسى« باعدارلاماسى قابىلداندى. ونىڭ اياسىندا ۆيرۋستان كەيٸنگٸ كەزەڭدە شامامەن 240 مىڭ جۇمىس ورنى قۇرىلادى. ونى جٷزەگە اسىرۋعا تەڭدەسسٸز سوما (1 ترلن تەڭگەگە دەيٸن) بٶلٸنەدٸ. بۇعان دەيٸن بٸرنەشە رەت ورىن العانداي, بٶلٸنگەن قارجىنىڭ قۇمعا سٸڭٸپ كەتپەۋٸ بارىنشا ماڭىزدى. سوندىقتان ٷكٸمەت پەن ەكٸمدەر قازاقستاندىق كادرلاردى, وتاندىق قۇرىلىس كومپانييالارى مەن قۇرىلىس ماتەريالدارىن ٶندٸرۋشٸلەردٸ تارتۋى ماڭىزدى», - دەدٸ مەملەكەت باسشىسى.
وسى رەتتە قر پرەزيدەنتٸ جوسپارلانعان جۇمىس ورىندارىنىڭ باسىم بٶلٸگٸ ۋاقىتشا ەكەندٸگٸنە باسا نازار اۋداردى.
«باعدارلاما اياقتالعاننان كەيٸن تۇراقتى جۇمىسپەن تەك قانا 13 مىڭ ادام قامتاماسىز ەتٸلەتٸن بولادى. بٸرقاتار ٶڭٸردە باعدارلاما قورىتىندىسى بويىنشا تۇراقتى جۇمىس ورىندارىنىڭ ساۋساقپەن سانارلىقتاي سانىن قۇرۋ جوسپارلانعان. جۇمىسپەن قامتۋدىڭ ەكٸ تٷرٸ اراسىنداعى بالانستى قامتاماسىز ەتۋ قاجەت. داعدارىس كەزٸندە ۋاقىتشا جۇمىسقا ورنالاسۋ ماڭىزدى. بٸراق, بارىنشا كەڭ ەرٸ ساپالى جۇمىس ورىندارىنىڭ كەلەشەگٸ جايىندا دا ويلاۋ قاجەت», - دەدٸ ق.توقاەۆ.
