داعدارىسقا قارسى شارالاردىڭ جالپى پاكەتٸ سالىقتىق پرەفەرەنتسييالار مەن جەرگٸلٸكتٸ دەڭگەيدەگٸ قولداۋدى قوسپاعاندا 5,9 ترلن تەڭگەنٸ قۇرايدى. بۇل تۋرالى ورتالىق كوممۋنيكاتسييالار قىزمەتٸندە ٶتكەن قر ٷكٸمەتٸنٸڭ رەزەرۆٸنەن قاراجات بٶلۋ مەسەلەسٸنە ارنالعان باسپاسٶز كونفەرەنتسيياسىندا ايتىلدى, دەپ حابارلايدى قازاقپارات.
«مەملەكەت باسشىسىنىڭ تاپسىرمالارىنا سەيكەس ٷكٸمەت ەكونوميكالىق جەنە ەلەۋمەتتٸك تۇراقتىلىقتى قولداۋعا باعىتتالعان داعدارىسقا قارسى شارالاردى ەزٸرلەدٸ جەنە قابىلداپ وتىر», - دەيدٸ قر قارجى مينيسترلٸگٸنٸڭ بٸرٸنشٸ ۆيتسە-مينيسترٸ بەرٸك شولپانقۇلوۆ.
ونىڭ ايتۋىنشا, داعدارىسقا قارسى شارالاردىڭ جالپى پاكەتٸ سالىقتىق پرەفەرەنتسييالار مەن جەرگٸلٸكتٸ دەڭگەيدەگٸ قولداۋدى قوسپاعاندا 6 ترلن تەڭگەنٸ قۇرايدى.
«ونىڭ ٸشٸندە 2,5 ترلن تەڭگە بيۋدجەتتەن تىس قاراجاتتان, 3,5 ترلن تەڭگە رەسپۋبليكالىق بيۋدجەتتەن بٶلٸنەدٸ. وسىلايشا ٷش باعىت بويىنشا قارجىلاندىرۋ جٷزەگە اسادى دەپ جوسپارلانۋدا. بٸرٸنشٸدەن, ەكونوميكالىق تۇراقتىلىقتى جەنە تٶتەنشە جاعداي رەجيمٸن قامتاماسىز ەتۋ ٷشٸن 1,2 ترلن تەڭگە قاراستىرىلعان. «جۇمىسپەن قامتۋدىڭ جول كارتاسىن» جٷزەگە اسىرۋعا بيۋدجەتتەن 300 ميلليارد تەڭگە بٶلٸنەدٸ. ينفراقۇرىلىمدىق جوبالار ٸسكە اسىرىلىپ, 250 مىڭ جۇمىس ورنى اشىلادى. «جۇمىسپەن قامتۋدىڭ جول كارتاسىن» جٷزەگە اسىرۋ ٷشٸن قوسىمشا 84,5 ملرد تەڭگە بٶلۋ جوسپارلانعان. كەسٸپكەرلەرگە قارىزداردى سۋبسيدييالاۋ جەنە كەپٸلدەندٸرۋ ارقىلى كەسٸپكەرلٸكتٸ قولداۋ شارالارىن كٷشەيتۋ قاراستىرىلعان. بۇل شامامەن 16 مىڭ جۇمىس ورنىن قۇرۋعا جەنە 250 ملرد تەڭگەدەن استام سالىقتىق تٷسٸمگە قول جەتكٸزۋگە مٷمكٸندٸك بەرەدٸ», - دەيدٸ ول.
سونداي-اق, ازاماتتاردىڭ جەكەلەگەن ساناتتارىنا 5 567 تەڭگە تۇراتىن ازىق-تٷلٸك جەنە تۇرمىستىق جيىنتىقتارمەن قامتاماسىز ەتۋگە 30,8 ملرد تەڭگە قاراستىرىلعان. بۇل شارا 2 ميلليوننان استام ادامدى قامتيدى.
