Daǵdarysqa qarsy sharalardyń jalpy paketi salyqtyq preferentsiialar men jergilikti deńgeidegi qoldaýdy qospaǵanda 5,9 trln teńgeni quraidy. Bul týraly Ortalyq kommýnikatsiialar qyzmetinde ótken QR Úkimetiniń rezervinen qarajat bólý máselesine arnalǵan baspasóz konferentsiiasynda aityldy, dep habarlaidy QazAqparat.
«Memleket basshysynyń tapsyrmalaryna sáikes Úkimet ekonomikalyq jáne áleýmettik turaqtylyqty qoldaýǵa baǵyttalǵan daǵdarysqa qarsy sharalardy ázirledi jáne qabyldap otyr», - deidi QR Qarjy ministrliginiń birinshi vitse-ministri Berik Sholpanqulov.
Onyń aitýynsha, daǵdarysqa qarsy sharalardyń jalpy paketi salyqtyq preferentsiialar men jergilikti deńgeidegi qoldaýdy qospaǵanda 6 trln teńgeni quraidy.
«Onyń ishinde 2,5 trln teńge biýdjetten tys qarajattan, 3,5 trln teńge respýblikalyq biýdjetten bólinedi. Osylaisha úsh baǵyt boiynsha qarjylandyrý júzege asady dep josparlanýda. Birinshiden, ekonomikalyq turaqtylyqty jáne tótenshe jaǵdai rejimin qamtamasyz etý úshin 1,2 trln teńge qarastyrylǵan. «Jumyspen qamtýdyń jol kartasyn» júzege asyrýǵa biýdjetten 300 milliard teńge bólinedi. Infraqurylymdyq jobalar iske asyrylyp, 250 myń jumys orny ashylady. «Jumyspen qamtýdyń jol kartasyn» júzege asyrý úshin qosymsha 84,5 mlrd teńge bólý josparlanǵan. Kásipkerlerge qaryzdardy sýbsidiialaý jáne kepildendirý arqyly kásipkerlikti qoldaý sharalaryn kúsheitý qarastyrylǵan. Bul shamamen 16 myń jumys ornyn qurýǵa jáne 250 mlrd teńgeden astam salyqtyq túsimge qol jetkizýge múmkindik beredi», - deidi ol.
Sondai-aq, azamattardyń jekelegen sanattaryna 5 567 teńge turatyn azyq-túlik jáne turmystyq jiyntyqtarmen qamtamasyz etýge 30,8 mlrd teńge qarastyrylǵan. Bul shara 2 millionnan astam adamdy qamtidy.
