جۇمىس ٸستەۋ جاعدايىنا شاعىمدانعان ەلوردالىق مەديتسينا قىزمەتكەرلەرٸ جۇمىستان قۋىلمايدى. بۇل تۋرالى ورتالىق كوممۋنيكاتسييالار قىزمەتٸندە ٶتكەن ونلاين-بريفينگتە نۇر-سۇلتان قالالىق قوعامدىق دەنساۋلىقتى ساقتاۋ باسقارماسىنىڭ باسشىسى سەۋلە قيسىقوۆا ايتتى, دەپ حابارلايدى قازاقپارات.
بريفينگ بارىسىندا باسقارما باسشىسىنا باق ٶكٸلدەرٸنەن ستاتسيونارداعى جۇمىس جاعدايىنا قاتىستى شاعىمدانعان ەلوردالىق مەديتسينا قىزمەتكەرلەرٸنٸڭ مۇنان ارعى تاعدىرىنا قاتىستى ساۋال تٷسكەن بولاتىن.
«مۇنداي فاكتٸ ورىن الدى. ەرٸپتەستەرٸمٸز, ينفەكتسييالىق ستاتسيوناردا جۇمىس ٸستەيتٸن ورتا مەديتسينالىق قىزمەتكەرلەر ەلسٸزدٸك تانىتىپ, سونداي جاعداي ورىن الدى. بٷگٸنگٸ كٷنٸ ولار كارانتيندە, ياعني, ەكٸ اپتالىق دەمالىستا. سودان كەيٸن ولار ٶزدەرٸنٸڭ قىزمەتتٸك مٸندەتتەرٸنە كٸرٸسەتٸن بولادى. جوسپارىمىزدا ولارمەن قوش ايتىسۋ جوق. ولار بٸزبەن بٸرگە», - دەدٸ ول.
