8 ايدىڭ قورىتىندىسى بويىنشا, ەلٸمٸزدە جۇمىرتقا ٶندٸرۋدٸڭ كٶلەمٸ 8%-عا ازايىپ, ال باعاسى 30% قىمباتتادى. بۇل تۋرالى ەلوردادا «اگروٶنەركەسٸپتٸك كەشەندٸ دامىتۋ جاڭا باعدارلامانىڭ تۇجىرىمداماسى» تاقىرىبىندا ٶتكەن دٶڭگەلەك ٷستەل بارىسىندا قر جۇمىرتقا ٶندٸرۋشٸلەر قاۋىمداستىعىنىڭ باسشىسى ماكسيم بوجكو ايتتى, دەپ حابارلايدى قازاقپارات.
«اگروٶنەركەسٸپتٸك كەشەنگە قاتىستى مەملەكەتتٸڭ نەگٸزگٸ مٸندەتٸ – اۋىلداعى ادامداردى جۇمىسپەن قامتۋ, ەلٸمٸزدٸڭ تۇرعىندارىن ازىق-تٷلٸكپەن قولجەتٸمدٸ باعادا قامتاماسىز ەتۋ. وسى جەردە بيزنەسكە قاتىستى قاراما-قايشىلىق تۋىندايدى, سەبەبٸ بيزنەستٸڭ ماقساتى – تابىس تابۋ. ەگەر تابىس بولسا – كەسٸپكەر اقشا سالىپ, دامىتۋعا دايىن. ال تابىس بولماسا, ادامدار جۇمىسىنان ايىرىلسا, مەملەكەتكە سالىق تٷسپەيدٸ. سوندىقتان اۋىل شارۋاشىلىعىنا قاتىستى بيزنەس تابىستى بولۋى كەرەك», - دەيدٸ قر جۇمىرتقا ٶندٸرۋشٸلەر قاۋىمداستىعىنىڭ باسشىسى ماكسيم بوجكو.
ول بيزنەسكە قاتىستى تابىستى قالاي ەسەلەۋگە بولاتىنىن ايتتى.
«ەڭ الدىمەن شىعىن مٶلشەرٸن ازايتۋ كەرەك. ٶنٸمنٸڭ ساپاسىن تٶمەندەتۋ ارقىلى شىعىن مٶلشەرٸن دە ازايتۋعا بولادى, بٸراق بٸز بۇل نۇسقانى قاراستىرمايمىز. جاڭا تەحنولوگييالار ەنگٸزۋ ارقىلى دا تابىستى كٶبەيتۋگە بولادى. بٸز وسى باعىتتى قولدايمىز. مۇنى ينۆەستيتسييالىق سۋبسيدييا بەرۋ ارقىلى جٷزەگە اسىرۋعا بولادى. سونداي-اق, ٶنٸم باعاسىن قىمباتتاتۋ ارقىلى دا تابىستى ەسەلەۋگە بولادى. بۇل جەردە دە مەملەكەت پەن بيزنەس اراسىندا قاراما-قايشىلىق تۋىندايدى. مەملەكەت ازىق-تٷلٸك باعاسىنىڭ قولجەتٸمدٸ بولعانىن, ال بيزنەس ٶكٸلدەرٸ قىمبات بولعانىن قالايدى», - دەيدٸ ول.
ونىڭ سٶزٸگن قاراعاندا, ٶتكەن جىلى ٷكٸمەت قازاقستاندا جۇمىرتقا جەتكٸلٸكتٸ دەڭگەيدە, تٸپتٸ قاجەتتٸ مٶلشەردەن كٶپ ٶندٸرٸلەتٸنٸن, سول سەبەپتٸ قۇس فابريكالارىنا سۋبسيدييا تٶلەۋدٸ توقتاتۋعا بولاتىنىن ايتقان.
«بٸز جىلدىڭ باسىندا سۋبسيدييانىڭ توقتاتىلۋى ٶندٸرٸستٸڭ ازايۋىنا جەنە باعانىڭ ٶسۋٸنە ىقپال ەتەدٸ دەپ ايتقان بولاتىنبىز. بۇل بيلٸك پەن حالىقتىڭ كٶڭٸلٸنەن شىقپاسى انىق. بٸراق ٸس جٷزٸندە راسىمەن سولاي بولعانىن كٶرٸپ وتىرمىز. 8 ايدىڭ قورىتىندىسى بويىنشا, ەلٸمٸزدە جۇمىرتقا ٶندٸرۋدٸڭ كٶلەمٸ 8%-عا ازايىپ, ال جۇمىرتقانىڭ باعاسى 30% قىمباتتادى. نە سەبەپتٸ بيزنەس جۇمىرتقانى بۇرىنعى كٶلەمدە ٶندٸرە بەرمەدٸ? ٶيتكەنٸ سوڭعى ەكٸ جىلدا بيزنەستٸڭ تابىس دەڭگەيٸ نٶلدەن تٶمەن تٷسٸپ كەتتٸ. ول تەك مەملەكەت بٶلگەن سۋبسيدييا ەسەبٸنەن جۇمىس ٸستەپ تۇرعان. اۋىل شارۋاشىلىعى مينيسترلٸگٸ سۋبسيدييانى ەكٸ ەسە قىسقارتىپ تاستادى. ودان بٶلەك قۇس تۇماۋى ەپيدەميياسى بولدى. وسى ورايدا بٸز مەملەكەتتەن قولداۋ كٷتەمٸز, سەبەبٸ قۇستار سانى مەن ٶندٸرٸس كٶلەمٸن قالپىنا كەلتٸرۋٸمٸز كەرەك», - دەيدٸ قر جۇمىرتقا ٶندٸرۋشٸلەر قاۋىمداستىعىنىڭ باسشىسى ماكسيم بوجكو.
