سەنات دەپۋتاتى باقىتجان جۇماعۇلوۆ سٶز بوستاندىعىن جەلەۋ ەتٸپ, ەلەۋمەتتٸك جەلٸلەردە جالعان اقپارات تاراتپاۋعا شاقىردى, دەپ حابارلايدى Sputnik قازاقستان.
دەپۋتات ٶز ٷندەۋٸن باق ٶكٸلدەرٸ مەن قۇرىلتايشىلارىنا, عالامتور جەلٸسٸندە وتىرعان بلوگەرلەرگە, سونداي-اق, ەرتٷرلٸ پارتييالار مەن قوعامدىق ۇيىمداردىڭ جەتەكشٸلەرٸنە, ساياساتكەرلەر مەن ٷكٸمەتتٸك ەمەس ۇيىمداردىڭ مٷشەلەرٸنە ارنادى.
"قازاقستاندا سٶز بوستاندىعى جوق دەپ كٸم ايتا الادى?! دەرەكتەرگە قاراساق, ەلٸمٸزدە 2700-دەن استام باق تٸركەلگەن. ولاردىڭ 70 پروتسەنتتەن استامى ەرتٷرلٸ پارتييالار مەن قوعامدىق ۇيىمدارعا تيەسٸلٸ. وعان عالامتوردى قوسىڭىزدار. ياعني اقپارات الۋ مەن تاراتۋدىڭ مٷمكٸندٸكتەرٸ جەتكٸلٸكتٸ. اشىق ساياساتتا جٷرگەندٸكتەن, مەملەكەتتٸك قىزمەتكەرلەر, ەرتٷرلٸ دەڭگەيدەگٸ دەپۋتاتتار ورىندى-ورىنسىز ايتىلىپ جٷرگەن سىندارعا تٶزٸمدٸلٸكپەن قارايدى?", - دەدٸ دەپۋتات سەناتتىڭ جالپى وتىرىسىندا.
بٸراق, ونىڭ ايتۋىنشا, كەيدە ادامي, يماني, رۋحاني تۇرعىدان شەكتەن شىعىپ, شىندىققا جاناسپايتىن اقپارات تاراتاتىندار بولادى. ول مۇنداي جاعداي پوستكەڭەستٸك جٷيەدە ەدەتكە اينالىپ بارا جاتقانىن تٸلگە تيەك ەتٸپ, بۇل دەپۋتاتتاردى الاڭداتاتىنىن جەتكٸزدٸ.
"ينتەرنەتتٸ اشىپ قالساڭىز, ەلەۋمەتتٸك جەلٸگە كٶز سالساڭىز, بٸردە تٷرٸكمەنستاننىڭ پرەزيدەنتٸ, بٸردە رەسەيدٸڭ پرەزيدەنتٸ و دٷنيەلٸك بولىپ كەتٸپتٸ دەپ, ٶزدەرٸ كٶزبەن كٶرگەندەي تامسانىپ جازادى. ٶزٸمٸزدٸڭ ەلگە قاتىستى جاڭساق اقپاراتتى دا وقىپ قالامىز. مۇنداي كٶرٸپكەلدٸك پەن سەۋەگەيلٸكتٸڭ قۇنى قانشا? بولماسا, پرەزيدەنت ٶمٸردەن قاشان ٶتەدٸ دەپ ساياسي بولجام جاسايدى. نە مۇسىلماندىق, نە حريستياندىق دٸني ۇستانىمعا كەلمەيتٸن, نە ادامي بولمىسقا جاتپايتىن ٶتٸرٸك اقپارات ٷشٸن كٸم جاۋاپتى?", - دەيدٸ دەپۋتات.
جۇماعۇلوۆ ادام دەگەن اتقا لايىق بولۋعا شاقىردى.
"بەرٸمٸز قۇدايدىڭ قۇلىمىز, دەم تاۋسىلعان كٷنٸ بۇل فەني دٷنيەدەن وزامىز. سوندىقتان دا ادام دەگەن اتقا لايىق بولايىق, ۇلتتىق قۇندىلىقتارىمىزدى ساقتايىق, سٶز بوستاندىعى دەگەندٸ جەلەۋلەتٸپ, شىندىققا كٷيە جاقپايىق", - دەدٸ ول.
وسى ورايدا سەناتور ۇلى ابايدىڭ "اتىمدى ادام قويعان سوڭ, قالاي نادان بولايىن"دەگەن اتالى سٶزٸن ايتىپ ٶتتٸ.
"قۇقىق قورعاۋ ورگاندارى قايدا قاراپ وتىر, ٷكٸمەت نەگە شارا قولدانبايدى دەگەن سٶزدەن ەدەيٸ قاشىپ وتىرمىن. جانشۋ, قاماۋ, ايىپتاۋ ساياساتى ەمەس, ەر ادامنىڭ ۇيات-وجدانىنا سالىپ وتىرمىن", - دەدٸ دەپۋتات.
جۇماعۇلوۆ ەلەۋمەتتٸك جەلٸلەر ارقىلى شىندىققا جاناسپايتىن اقپاراتپەن جۇرتتى الداماۋعا ٷندەدٸ.
"ەدٸلەتتٸڭ اق جولىنان تايمايىق. ويلاپ سٶيلەيٸك. ٶز الاڭداۋشىلىعىمدى ازامات رەتٸندە ورتاعا سالعانىمدى سٸزدەر دۇرىس تٷسٸنەدٸ دەپ ويلايمىن", - دەپ قورىتتى سٶزٸن دەپۋتات.
