سەناتور باقىتجان جۇماعۇلوۆ عىلىمدى دامىتۋدا قانداي مەسەلەلەرگە نازار اۋدارىلۋى كەرەكتٸگٸن ايتىپ بەردٸ, دەپ حابارلايدى "ۇلت اقپارات".
«بەرٸمٸز عىلىمدى دامىتۋداعى عالىمداردىڭ جەكە رٶلٸن, شىعارماشىلىق ەركٸندٸگٸن, جاۋاپكەرشٸلٸگٸن ارتتىرۋدى باستى نازاردا ۇستاۋىمىز كەرەك دەپ بٸلەمٸن. سول سيياقتى ۇلتتىق عىلىمي كەڭەستەردٸڭ فۋنكتسييالارى, قۇقىقتارى مەن مٷمكٸندٸكتەرٸ تەك زاڭ نورمالارىمەن عانا بەلگٸلەنگەنٸ جٶن. ونسىز «بيۋروكراتيزم» مەنەن «جەكە مٷددەنٸ كٶزدەۋشٸلٸكتەن» ارىلا المايمىز. ونى توقتاتۋ قاجەت. بٷگٸنگٸ تاڭدا عالىمداردىڭ جيٸ ايتىپ جٷرگەنٸ دە وسى», - دەدٸ ول عىلىم جٶنٸندەگٸ زاڭ جوباسى تالقىلانعان سەنات وتىرىسىندا.
باقىتجان جۇماعۇلوۆ سونىمەن قاتار نازار اۋدارار تاعى بٸر مەسەلە جايلى سٶز قوزعادى.
«كەزٸندە قازاقستان عىلىمىنىڭ بەدەلٸن كٶتەرۋ ٷشٸن عىلىمي ماقالالاردى شەتەلدٸك باسىلىمداردا جارييالاۋعا باسىم باعىت بەردٸك. عىلىمي ماقالالاردىڭ سانىن ارتتىرۋعا تىرىستىق. ەرينە, بۇل باعىتتا جەتٸستٸكتەرٸمٸز دە جوق ەمەس. الايدا كەمشٸلٸكتەر دە بار. بٷگٸنگٸ تاڭدا عالىمداردىڭ ەڭبەگٸن باعالاۋ تەك قانا وسى كريتەرييگە بايلانىپ قالدى. وسىنىڭ سالدارىنان قوماقتى قارجى جەنە ۇزاق ۋاقىت سالىپ, عىلىمي ماقالالاردى باتىس باسىلىمدارىنا «تىقپالاپ» جارييالاۋ قالىپتاستى. بۇل قازاقستاننىڭ عانا ەمەس, بٷكٸل پوستكەڭەستٸك رەسپۋبليكالاردىڭ عىلىمي يدەيالارى مەن قارجىلارى دەلدالداردىڭ پايداسىنا جۇمىس جاساپ جاتىر دەگەن سٶز. ونى – ۇرلاۋمەن پارا-پار دەپ تٷسٸنەمٸن. ال بٸز بولساق, ٶزٸمٸزدٸڭ وتاندىق عىلىمي جۋرنالداردى ەسەپكە المايتىن بولدىق. وسىلاي ٶز جۋرنالدارىمىزدىڭ قۇنى كەتتٸ. ەندٸ ۋاقىت وزدىرۋعا بولمايدى. تاياۋ ارادا بۇل مەسەلەنٸ شەشكەن جٶن. ولاي بولماعان جاعدايدا, قازاقستاندىق عالىمدار باياعى كەڭەس وداعى تۇسىنداعى سەكٸلدٸ ەندٸ باتىستىق جٷيەنٸڭ كٶلەڭكەسٸندە قالا بەرەدٸ», - دەدٸ ول.
