كەڭەس وداعىنىڭ باتىرى, داڭقتى قولباسشى باۋىرجان مومىشۇلىنىڭ 110 جىلدىعىنا وراي تۋعان ٶڭٸرٸ جامبىل وبلىسى جۋالى اۋدانىندا كەڭٸنەن اتالىپ ٶتتٸ, دەپ حابارلايدى "ۇلت اقپارات".
تۇلعانىڭ مەرەيتويى ٶزٸنٸڭ تۋىپ-ٶسكەن جۋالى جەرٸندە اتالىپ ٶتتٸ. مەرەيتوي شارالارى ب.مومىشۇلى اۋىلىنداعى باتىر ەسكەرتكٸشٸنە گٷل شوعىن قويىپ, رۋحىنا تاعزىم ەتۋدەن باستالدى.
بۇدان سوڭ باۋىرجان مومىشۇلىنىڭ كٸندٸك قانى تامعان تامعان مىڭبۇلاق ٶڭٸرٸندەگٸ مومىش بۇلاعىنىڭ باسىندا باتىردىڭ ەرۋاعىنا ارناپ قۇران وقىلدى. دەمەۋشٸلەردٸڭ كٶمەگٸمەن بۇلاق باسىنا باراتىن بٸر شاقىرىمعا جۋىق جولعا شاعالتاس تٶسەلٸپ تەگٸستەلدٸ. بۇلاق باسى قورشالىپ, سەن اعاشتارى وتىرعىزىلعان. ارنايى بوي كٶتەرگەن ستەلانىڭ اشىلۋ سالتانى ٶتتٸ.
شاراعا قر سىبايلاس جەمقورلىققا قارسى اگەنتتٸگٸنٸڭ جامبىل وبلىسى بويىنشا دەپارتامەنتٸنٸڭ باسشىسى ەدٸلحان ەشٸرباەۆ, اۋدان باسشىلارى مەن ارداگەرلەر ۇيىمدارى مەن جۇرتشىلىق ٶكٸلدەرٸ قاتىستى.
«جۋالى» مەشٸتٸنٸڭ يمامى سەيٸتقازى قاجى مەدەتبەك قۇران اياتتارىن وقىدى. اۋداننىڭ قادٸرمەندٸ اقساقالى, مومىش بۇلاعىنىڭ كٷتٸمگە الىنىپ, كٶركەيۋٸنە ەڭبەك سٸڭٸرگەن امانجول قاجى دٷرەلٸۇلى كٶپشٸلٸككە اق باتاسىن بەردٸ.
سونداي-اق, جۋالى اۋدان اۋماعىندا ورنالاسقان قر ۇلتتىق قاۋٸپسٸزدٸك كوميتەتٸ شەكارا قىزمەتٸنٸڭ جامبىل وبلىستىق دەپارتامەنتٸنە قاراستى باۋىرجان مومىشۇلى اتىنداعى شەكارا بٶلٸمشەسٸندە باتىر بيۋستٸنٸڭ اشىلۋى سالتاناتى ٶتتٸ.
شەكارا بٶلٸمشەسٸنٸڭ جەكە قۇرامى مەرەكەلٸك ساپقا تۇرعىزىلىپ, مەملەكەتتٸك ەنۇران شىرقالدى.
جامبىل وبلىسى ەكٸمٸنٸڭ ورىنباسارى تالعات ماماەۆ, جۋالى اۋدانىنىڭ ەكٸمٸ نارباي ەرگەبەكوۆ, شەكارا قىزمەتٸ جامبىل وبلىستىق دەپارتامەنتٸنٸڭ باسقارما باستىعى قاناتبەك تىنىبەكوۆ شەكاراشىلار مەن جيىلعان جۇرتشىلىقتى وسىناۋ ماڭىزى تەرەڭ قۋانىشتى وقيعامەن قۇتتىقتاي وتىرىپ, ٸزگٸ لەبٸزٸن بٸلدٸردٸ.
باتىر بيۋستٸنٸڭ لەنتاسىن تالعات ماماەۆ پەن اۋداندىق ارداگەرلەر كەڭەسٸنٸڭ تٶراعاسى ەستەمەس امانبەكوۆ كەستٸ. تۇلعانىڭ مەرەيتويىنا وراي اۋداندا ٶزگە دە ٸس-شارالار ۇيىمداستىرىلدى.
