تۋريزم سالاسىنىڭ قازٸرگٸ احۋالىن تٷبەگەيلٸ ٶزگەرتەتٸن ۋاقىت كەلدٸ. بۇل جۇمىستاردى ۇلىتاۋداي قاسيەتتٸ جەرلەردەن باستاۋىمىز قاجەت, دەدٸ قازاقستان پرەزيدەنتٸ قاسىم-جومارت توقاەۆ "ۇلىتاۋ-2019" حالىقارالىق تۋريستٸك فورۋمى بارىسىندا.
"ۇلىتاۋ – ۇلتىمىزدىڭ التىن بەسٸگٸ, تاعىلىمدى تاريحىمىزدىڭ كۋەسٸ. قالىڭ قاۋىم وسى كيەلٸ ٶلكەدە ەل بيلەگەن حانداردى اق كيٸزگە كٶتەرٸپ, تاققا وتىرعىزعان. سوندىقتان بٸز ۇلىتاۋ جەرٸنە حان ورداسى, قازاق جەرٸنٸڭ كٸندٸگٸ دەپ, ەرەكشە قۇرمەتپەن قارايمىز. بٸر-بٸرٸن داۋعا قيسا دا, جاۋعا قيماعان حالقىمىز بەرەكە-بٸرلٸكتٸ بەرٸنەن جوعارى قويعان. بابالاردان قالعان سالت-دەستٷرلەردٸ بٷگٸنگٸ ۇرپاق لايىقتى جالعاستىرۋى تيٸس", - دەدٸ ول.
پرەزيدەنت "ۇلىتاۋ" ۇلتتىق تاريحي-مەدەني جەنە تابيعي مۇراجاي قورىعى ەل يگٸلٸگٸنە اينالعانىن اتاپ ٶتتٸ. ۇلىتاۋ اۋدانىنىڭ ورتالىعىندا قازاق حاندارىنىڭ اللەياسى بوي كٶتەردٸ. ەندٸ ەلٸمٸزدٸڭ وسىنداي باعا جەتپەس باي مۇراسىن ٶزگە جۇرتقا تانىتۋدىڭ جاڭاشا جولدارىن ويلاستىرۋىمىز كەرەك.
"ۇلى حاننىڭ ٷلكەن ۇلى – جوشىنىڭ مازارى قازاق جەرٸندە تۇرعانىن بٷگٸندە ەلٸمٸزدەگٸ جەنە شەتەلدەگٸ جۇرتشىلىقتىڭ كٶبٸ بٸلە بەرمەيدٸ. اتا-بابالاردىڭ اماناتىنا ادال بولۋ – بٸزگە سىن. بٸز التىن وردانىڭ نەگٸزٸن قالاعان جوشى حاننىڭ ەسٸمٸن ۇلىقتاۋدى مٸندەتتٸ تٷردە قولعا الۋىمىز قاجەت. ونىڭ تاريحي تۇلعاسىنا ەلەمنٸڭ نازارىن اۋدارىپ, كەسەنەسٸن مەدەني تۋريزم نىسانىنا اينالدىرۋ – ٶتە ماڭىزدى مٸندەت", - دەدٸ مەملەكەت باسشىسى.
توقاەۆتىڭ ايتۋىنشا, ۇلىتاۋ حالىقارالىق دەڭگەيدەگٸ ەتنوگرافييالىق تۋريزمنٸڭ ورتالىعى بولۋى تيٸس. بۇل جۇمىستار التىن وردانىڭ 750 جىلدىعىن مەرەكەلەۋ اياسىندا باستالۋى قاجەت, دەدٸ پرەزيدەنت.
"قازٸرگٸ وتاندىق تۋريزم يندۋستريياسى – كەنجە قالىپ كەلە جاتقان سالا. جىل سايىن قىرۋار قاراجات سالساق تا, بۇل سالا تولىققاندى دامىماي وتىر. تۋريزم سالاسىنىڭ قازٸرگٸ احۋالىن تٷبەگەيلٸ ٶزگەرتەتٸن ۋاقىت كەلدٸ. بۇل جۇمىستاردى ۇلىتاۋداي قاسيەتتٸ جەرلەردەن باستاۋىمىز قاجەت", - دەدٸ توقاەۆ.
مەملەكەت باسشىسى ۇلىتاۋ ايماعى مٸندەتتٸ تٷردە قازاقستاننىڭ تۋريستەر تارتۋ كارتاسىنىڭ الدىڭعى قاتارىندا بولۋى تيٸس ەكەنٸن ايتتى. بۇرىن جوبالانعان "ۇلىتاۋ" ۇلتتىق تابيعي پاركٸن قۇرۋ مەسەلەسٸن جٷزەگە اسىرۋ كەرەك.
"بيىل مۇندا تۋريستەر ٷشٸن ارنايى ورتالىق اشىلۋى تيٸس. ۇلىتاۋ تۋريستٸك مەكەنگە, دەمالىس ايماعىنا, ۇلى بابالارعا تاعزىم ەتۋ ورتالىعىنا اينالۋى تيٸس. بۇل ٶڭٸرگە قازاق تاريحىنىڭ سيمۆولى بولاتىن ەسكەرتكٸش-انسامبل ورناتۋ قاجەت. قاسيەتتٸ ۇلىتاۋ – ۇلتتى ۇيىستىرۋدىڭ, ەلدٸ بٸرٸكتٸرۋدٸڭ نەگٸزٸ. بۇل باستامالار حالقىمىزدىڭ ۇلتتىق بٸرەگەيلٸگٸن نىعايتا تٷسۋگە وڭ ىقپال ەتەدٸ دەپ سەنەمٸن. ۇلىتاۋدىڭ تاريحى مەن تاعىلىمىن جاستار تەربيەسٸ مەن وتانشىلدىقتى, ٸشكٸ تۋريزمدٸ دامىتۋعا پايدالانۋ كەرەك", - دەدٸ توقاەۆ.
