ۋنيۆەرسيتەتتەر جان باسىنا قارجىلاندىرۋعا بٶلٸنگەن اقشانىڭ 50 پايىزىن وقىتۋشىلاردىڭ جالاقىسىنا جۇمساۋى تيٸس. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
«مەملەكەت باسشىسى قاسىم-جومارت توقاەۆ مامىر ايىندا ۇلتتىق قوعامدىق سەنٸم كەڭەسٸنٸڭ وتىرىسىندا وقىتۋشىلاردىڭ جالاقىسىن كٶتەرۋ بويىنشا ناقتى تاپسىرما بەرگەن بولاتىن. بۇل تاپسىرما ناقتى قارجىمەن بەكٸتٸلدٸ. سوندىقتان وسى جۇمىستى ودان ارى جالعاستىرۋىمىز كەرەك. پەداگوگيكالىق ماماندىقتا وقيتىن ستۋدەنتتەردٸڭ شەكٸرتاقىسىن كٶتەرۋ تاپسىرماسى ورىندالدى. شەكتٸ باللدى كٶتەرۋ مەن دوكتورانتتاردىڭ شەكٸرتاقىسىن ارتتىرۋ تاپسىرماسىن دا ورىندادىق دەپ ايتا الامىز. ەڭ باستىسى, بۇل - دەكلاراتيۆتٸ تاپسىرما ەمەس. ٶيتكەنٸ ناقتى قاراجاتپەن قامتاماسىز ەتٸلگەن», - دەدٸ مينيستر ۆەدومستۆونىڭ اپپارات جينالىسىندا.
ونىڭ ايتۋىنشا, وقىتۋشىلاردىڭ جالاقىسىن كٶتەرۋ جٷيەلٸ تٷردە جٷرگٸزٸلۋٸ تيٸس.
«جان باسىنا قارجىلاندىرۋ ەدٸستەمەسٸ بار. سول ەدٸستەمەگە ٶزگەرٸس ەنگٸزەتٸن بولامىز. تاپسىرما بەردٸم. ەدٸستەمەگە «بٸلٸم جەنە عىلىم مينيسترلٸگٸنە قاراستى ۆەدومستۆولىق ۋنيۆەرسيتەتتەر جان باسىنا قارجىلاندىرۋعا بەرٸلگەن قاراجاتتىڭ كەم دەگەندە 50 پايىزىن جالاقىعا جۇمساۋ كەرەك» دەگەن نورما ەنگٸزٸپ جاتىرمىز. ٶيتكەنٸ, بٸلٸم ساپاسىن كٶتەرەمٸز دەسەك, وندا ونىڭ ەڭ باستى شارتى - وقىتۋشىلاردىڭ جالاقىسى. سوندىقتان بۇل مەسەلە ارى قاراي دا بٸزدٸڭ دەربەس باقىلاۋىمىزدا بولادى», - دەدٸ اسحات ايماعامبەتوۆ.
مينيستردٸڭ دەرەگٸنشە, 2019 جىلدىڭ تامىزىمەن سالىستىرعاندا قازٸرگٸ ۋاقىتتا وقىتۋشىلاردىڭ جالاقىسى 40-50 پايىزعا ٶسكەن.
