سولتٷستٸك قازاقستان وبلىسىنداعى «QZ MEDIA PORTAL» مەديا اگەنتتٸگٸنٸڭ ديرەكتورى زەكٸرجان مامليۋتوۆتىڭ پٸكٸرٸنشە, پرەزيدەنت قاسىم-جومارت توقاەۆتىڭ بيىلعى جولداۋى حالىققا ٷمٸت سىيلاپ, ولاردىڭ بيلٸككە دەگەن سەنٸمٸن قايتارۋى مٷمكٸن. جۋرناليست العان ەسەرٸمەن قازاقپارات تٸلشٸسٸمەن بٶلٸستٸ.
«وسى جولعى جولداۋدى شابىتتانا تىڭدادىم. ٶيتكەنٸ كوروناۆيرۋس پاندەميياسىنان كەيٸن ەلدەگٸ كٶپتەگەن مەسەلەلەردٸڭ بەتٸ اشىلدى. بۇعان دەيٸن ايتىلماي كەلگەن, كٶرسەك تە كٶرمەگەندەي بولعان مەسەلەلەرمەن بەتپە-بەت كەلدٸك. ماعان, بۇرىنعى سپورتشىعا, الدىمەن پرەزيدەنتتٸڭ كەسٸبي سپورت كلۋبتارىن مەملەكەت ەسەبٸنەن قارجىلاندىرۋدى توقتاتۋ كەرەك دەگەنٸ ۇنادى. بۇل ٶتە دۇرىس, ولاردى كوممەرتسييالىق ۇيىمدار ۇستاپ, مۇنداي كلۋبتار ٶزدەرٸ قارجى تابۋى قاجەت. ودان دا قوماقتى سوماعا بۇقارالىق, بالالار سپورتىن دامىتىپ, اۋلالاردا سپورت الاڭدارىن سالعان دۇرىس», - دەيدٸ زەكٸرجان مامليۋتوۆ.
جۋرناليستٸڭ پٸكٸرٸنشە, بۇل جولعى جولداۋ ٸندەتتەن كەيٸن سەنٸمسٸزدٸك پايدا بولعان حالىققا كٷش بەرگەندەي بولدى. مەملەكەت باسشىسى ەر مەسەلەگە جەكە-جەكە توقتاپ, قولايسىز جاعدايدان شىعۋ جولدارىن كٶرسەتتٸ.
«جيناقتاۋشى زەينەتاقى قورىنان 30-40 جىلدان كەيٸن ەمەس, قازٸرگٸ ۋاقىتتا اقشا شەشۋگە بولاتىندىعى قۋانتتى. قازاقستاندىقتارعا بۇل اقشانى بەلگٸلٸ بٸر ماقساتتا جۇمساۋعا مٷمكٸندٸك تۋىپ وتىر. وسى جيناعان قاراجاتىمىزعا قاتىستى قانشاما سىبايلاس جەمقورلىق داۋى تۋعانى بەرٸمٸزگە بەلگٸلٸ. ەندٸ ول اقشانى ٶزٸمٸز تيٸسٸنشە جۇمساي الامىز. مەسەلەن, بانككە سالىپ, پەتەر الۋعا بولادى نەمەسە وقۋدىڭ اقشاسىن تٶلەۋگە, ەمدەلۋگە جۇمساۋعا بولادى. مەن ٷشٸن بۇل ٶتە جاقسى جاڭالىق», - دەيدٸ جۋرناليست.
زەكٸرجان مامليۋتوۆتىڭ ايتۋىنشا, ەلدەگٸ بٸلٸم بەرۋ سالاسى سوڭعى ۋاقىتتا سىننان كٶز اشپاي كەلەدٸ.
«پرەزيدەنت ٶز سٶزٸندە بٸلٸم بەرۋ رەفورماسىنىڭ جالعاساتىنىن ايتتى. سونىڭ ٸشٸندە شالعاي اۋىلداردى ينتەرنەتپەن قامتۋ. مەنٸڭ ويىمشا, قازٸر وسى سالادا جٷرگٸزٸلٸپ جاتقان جۇمىستار وڭ نەتيجەسٸن بەرەدٸ. الايدا قاتاڭ باقىلاۋ قاجەت.
پەتيتسييا تۋرالى يدەيا ۇنادى. ەندٸ بٸز قازاقستاندىقتار دەموكراتييالىق قوعامداستىق رەتٸندە ٶز پٸكٸرٸمٸزدٸ ارنايى قۇرىلعان پلاتفورمالاردا بٸلدٸرە الامىز. ەگەر دە بٸر مەسەلەدە پٸكٸر بٸلدٸرگەندەر سانى 50-100 مىڭنان اسىپ كەتٸپ جاتسا, وندا بٸزدٸڭ ٷنٸمٸزگە قۇلاق اساتىن بولادى», - دەيدٸ اگەنتتٸك ديرەكتورى.
زەكٸرجان مامليۋتوۆ «Nur Otan» پارتيياسىنىڭ پرايمەريزٸنە قاتىسىپ, ٷمٸتكەر رەتٸندە تٸركەۋدەن ٶتتٸ. ونىڭ قازٸرگٸ مەسليحات دەپۋتاتتارىنىڭ جۇمىسىنا كٶڭٸلٸ تولمايدى. قوعام بەلسەندٸسٸنٸڭ سٶزٸنشە, سٶزدەن ٸسكە كٶشەتٸن ۋاقىت جەتتٸ.
«مەسليحات دەپۋتاتتارىن كٶپشٸلٸك بٸلە بەرمەيدٸ. ولار قوعامنان الشاق, نە ٸستەپ جاتقاندارى بەلگٸسٸز. سول سەبەپتٸ دەپۋتاتتارعا حالىق سەنە بەرمەيدٸ. پرەزيدەنت ايتقانداي, مەسليحات دەپۋتاتتارىنىڭ قاتىسۋىمەن ونلاين جيىندار ٶتەتٸن بولسا, ولاردى سايلاۋشىلار تانيدى, سايلاۋالدى ۋەدەلەرٸن قالاي ورىنداپ جاتقانىن بٸلەتٸن بولادى», - دەيدٸ ول.
زەكٸرجان مامليۋتوۆ جولداۋدا ايتىلعان ٷكٸمەتكە جٷكتەلگەن مٸندەتتەر حالىقتىڭ ەل-اۋقاتىن جاقسارتۋعا باعىتتالعانىن ايتادى.
«جالپى, پرەزيدەنتتٸڭ ايتقاندارى, جوسپارلارى ماعان ۇنادى. ەندٸ سول قويىلعان مٸندەتتەردٸڭ ەڭ بولماعاندا جارتىسى ورىندالاتىن بولسا, بٸزدٸڭ ٶمٸر سٷرۋ دەڭگەيٸمٸز جاقسارادى. بۇعان دەيٸن ەلٸمٸز توقىراۋدى باستان كەشٸرٸپ جاتىر, ەش ٶزگەرٸس جوق دەگەن پٸكٸرلەر قالىپتاستى. حالىق پەن بيلٸك اراسى الشاقتاپ كەتكەندەي بولدى. وسى جولداۋ ارقىلى ول ارا قاشىقتىق قىسقارادى دەپ ويلايمىن. حالىق – بيلٸكتٸڭ قاينار كٶزٸ. وسىعان سەيكەس ەلدە قانداي ٸستەر قولعا الىنباسىن ول ەل يگٸلٸگٸ, قاراپايىم حالىق ٷشٸن جاسالۋى تيٸس», - دەپ سٶزٸن قورىتىندىلادى «QZ MEDIA PORTAL» مەديا اگەنتتٸگٸنٸڭ ديرەكتورى زەكٸرجان مامليۋتوۆ.
