بٷگٸن مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ سوت جٷيەسٸ مەن سۋديالارىنىڭ مەرتەبەسٸ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» قر كونستيتۋتسييالىق زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات.
قۇجاتتى قازاقستان رەسپۋبليكاسى پارلامەنتٸ دەپۋتاتتارى ەزٸرلەپ, زاڭ شىعارۋ باستاماسى تەرتٸبٸمەن ەنگٸزدٸ. ەكٸمشٸلٸك رەسٸمدٸك-پروتسەستٸك كودەكستٸ قابىلداۋ جەنە ونى 2021 جىلعى 1 شٸلدەدەن باستاپ قولدانىسقا ەنگٸزۋ سوت جٷيەسٸنٸڭ جۇمىسىنا تٷزەتۋلەر ەنگٸزۋدٸ تالاپ ەتەدٸ.
«قازاقستان رەسپۋبليكاسى جوعارعى سوتىنىڭ جەنە وبلىستىق سوتتاردىڭ «قازاقستان رەسپۋبليكاسىنىڭ سوت جٷيەسٸ مەن سۋديالارىنىڭ مەرتەبەسٸ تۋرالى» كونستيتۋتسييالىق زاڭدا بەلگٸلەنگەن قولدانىستاعى قۇرىلىمى ەكٸمشٸلٸك رەسٸمدٸك-پروتسەستٸك كودەكستٸڭ مٸندەتتەرٸنە تولىق كٶلەمدە جاۋاپ بەرمەيدٸ. زاڭ جوباسىنىڭ تٷزەتۋلەرٸ ەكٸ بلوكتان تۇرادى», - دەدٸ مەجٸلٸس دەپۋتاتى قانات مۋسين.
بٸرٸنشٸدەن, جوعارعى سوتتا ەكٸمشٸلٸك ٸستەر بويىنشا سوت القاسىن قۇرۋ ۇسىنىلادى. قازٸرگٸ مامانداندىرىلعان سوت القاسى تاراتىلاتىن بولادى. وبلىستىق سوتتاردا دا تيٸستٸ سوت القالارى قۇرىلادى.
بۇل شارا سوت جٷيەسٸنە ٶڭٸرلەردە ٸستەردٸڭ بٶلٸنۋٸنە بايلانىستى ٷنەمٸ ٶزگەرٸپ وتىراتىن جاعدايعا جەدەل دەن قويۋعا مٷمكٸندٸك بەرەدٸ.
«زاڭ جوباسىندا مەملەكەت باسشىسى تاعايىنداۋعا ۇسىناتىن جوعارعى سوت تٶراعاسى جەنە جوعارعى سوت سۋديالارى لاۋازىمىنا كانديداتتارعا قويىلاتىن تالاپتارعا قاتىستى ٶزگەرٸستەر ەنگٸزٸلەدٸ. بۇل تٷزەتۋلەر ەلدٸڭ جوعارعى سوت ورگانىنا قۇقىقتىڭ مامانداندىرىلعان سالالارىندا, مىسالى, سالىق قۇقىعىندا نەمەسە جەر قويناۋىن پايدالانۋ قۇقىعىندا كٶپ تەجٸريبەسٸ بار كٶرنەكتٸ زاڭگەرلەردٸ تارتۋعا باعىتتالعان. بۇل نەعۇرلىم داۋلى ٸستەر بويىنشا سوت تٶرەلٸگٸنٸڭ ساپاسىن قامتاماسىز ەتۋگە مٷمكٸندٸك بەرەدٸ جەنە بٷكٸل سوت جٷيەسٸنە وڭ ەسەرٸن تيگٸزەدٸ. بۇل تٷزەتۋلەر مەملەكەت باسشىسى ۇسىنعان كانديداتتارعا عانا قاتىستى ەكەنٸن ەرەكشە اتاپ ٶتكەن جٶن. ولار باسقا سۋديالارعا قاتىستى بولمايدى», - دەدٸ دەپۋتات.
ەنگٸزٸلەتٸن نورمالار ەكٸمشٸلٸك ەدٸلەتتٸ ەنگٸزۋدٸڭ باستاپقى كەزەڭٸندە جٷكتەمەنٸ تەڭ بٶلۋگە, سونداي-اق ەكٸمشٸلٸك قۇقىق بۇزۋشىلىقتار مەن جارييا داۋلار تۋرالى ٸستەردٸ قاراۋ جٶنٸندەگٸ سوت پراكتيكاسىنىڭ ارا-جٸگٸن اجىراتۋعا مٷمكٸندٸك بەرەدٸ.
