جوعارعى سوتتىڭ قىلمىستىق ٸستەر بويىنشا كاسساتسييالىق القاسى ۆلاديسلاۆ چەلاحتىڭ ٷكٸمدٸ قايتا قاراۋ جەنە 30 ميلليون تەڭگە ٶتەماقى تٶلەۋ تۋرالى ٶتٸنٸشٸنە قاتىستى قاۋلى شىعاردى, دەپ حابارلايددى Sputnik قازاقستان تٸلشٸسٸ.
"سوتتالۋشى ۆلاديسلاۆ چەلاحقا قاتىستى الماتى قالاسىنىڭ قىلمىستىق ٸستەر بويىنشا اۋدانارالىق ەسكەري سوتىنىڭ 2012 جىلدىڭ 11 جەلتوقسانىنداعى ٷكٸمٸن, ەسكەري سوتتىڭ قىلمىستىق ٸستەر بويىنشا اپپەلياتسييالىق سوت القاسىنىڭ 2013 جىلدىڭ 6 اقپانىنداعى قاۋلىسىن, جوعارعى سوتتىڭ كاسساتسييالىق سوت القاسىنىڭ 2013 جىلدىڭ 21 ماۋسىمىنداعى قاۋلىسى ٶزگەرٸسسٸز قالدىرىلسىن, چەلاحتىڭ ٶتٸنٸشٸ قاناعاتتاندىرىلماسىن", — دەپ وقىدى شەشٸمدٸ القا تٶراعاسى اباي راحمەتۋلين.
سوتقا سۋديا اباي راحمەتۋلين تٶراعالىق ەتتٸ, سونداي-اق سۋديالار ايدان نۇربەكوۆ پەن لاريسا شەپەلەۆا قاتىستى.
2017 جىلى قاراشادا بۇۇ كوميتەتٸ قازاقستان چەلاحتىڭ ٸسٸن قاراۋ كەزٸندە حالىقارالىق ازاماتتىق جەنە ساياسي قۇقىقتار پاكتٸسٸن بۇزدى دەگەن شەشٸم شىعاردى. بۇۇ كوميتەتٸ ٶز شەشٸمٸ تۋرالى قازاقستاننىڭ باس پروكۋراتۋراسىن حاباردار ەتتٸ.
باس پروكۋراتۋرانىڭ ۇسىنىسى بويىنشا چەلاح جوعارعى سوتقا جٷگٸندٸ. وتىرىسقا چەلاح قاتىسقان جوق.
2012 جىلدىڭ 28 مامىرىندا قازاق-قىتاي شەكاراسىندا ورنالاسقان "ارقانكەرگەن" شەكارا بەكەتٸندە قايعىلى وقيعا بولدى. مامىر ايىنىڭ سوڭعى كٷندەرٸندە ارقانكەرگەندەگٸ شەكاراشىلارمەن بايلانىس كەنەتتەن ٷزٸلەدٸ. ەكٸ كٷننەن كەيٸن – 30 مامىردا ارقانكەرگەنگە جٸبەرٸلگەن جاساق شەكارا بەكەتٸنٸڭ تٷگٸ قالماي جانىپ كەتكەنٸن كٶرەدٸ.
بٸر كٷننەن كەيٸن ۇلتتىق قاۋٸپسٸزدٸك كوميتەتٸنە قاراستى شەكارا قىزمەتٸ ٶرتەنٸپ كەتكەن عيماراتتان 12 ادامنىڭ سٷيەگٸ, ال كەلەسٸ كٷنٸ تاعى ەكٸ شەكاراشىنىڭ مٷردەسٸ تابىلعانىن مەلٸمدەدٸ. بۇعان قوسا, بٸر قورىقشىنىڭ مەيٸتٸ تابىلعان. 4 ماۋسىمدا شەكارا بەكەتٸنەن 24 شاقىرىمدا ورنالاسقان قىستاۋلاردىڭ بٸرٸندە 15-شٸ شەكاراشى ۆلاديسلاۆ چەلاح ۇستالدى. ول كەزدە قاراعاندىلىق جٸگٸت 19 جاستا بولعان.
تەرگەۋ نۇسقاسى بويىنشا, شەكارا بەكەتٸ جەكە قۇرامىنىڭ قاتارداعى ساربازى بولعان ۆلاديسلاۆ چەلاح ٶز قىزمەتتەستەرٸن اتىپ ٶلتٸرٸپ, قىلمىسىن جاسىرۋ ٷشٸن كازارمانى ٶرتەپ, قورىقشىنىڭ كٶزٸن قۇرتقان.
قىلمىستىق ٸستەر جٶنٸندەگٸ مامانداندىرىلعان اۋدانارالىق ەسكەري سوت چەلاحتى 15 ادامدى ٶلتٸرٸپ, مەملەكەتتٸك قۇپييانى جارييا ەتٸپ, تاراتقانى ٷشٸن, سونداي-اق قارۋ ۇرلاپ, ەسكەري مٷلٸكتٸ جويىپ, ەسكەردەن قاشقانى ٷشٸن ايىپتى دەپ تانىپ, ٶمٸر بويىنا باس بوستاندىعىنان ايىردى.
ەڭ العاش ۇستالعان كەزدە قاراعاندىلىق جٸگٸت بٸرنەشە ادامدى بٸر ٶزٸ جايراتىپ سالعانىن مويىندادى. بٸراق كەيٸن سوتتا بارلىعىن جوققا شىعاردى. ول وعان قىسىم جاسالعانىن, كٸنەنٸ مويىنداۋعا مەجبٷر بولعانىن مەلٸمدەدٸ.
