ٶتكەن جۇما كٷنٸ اقتٶبە قالاسىنداعى ت.بيگەلدينوۆ اتىنداعى قازاقستان رەسپۋبليكاسى قارۋلى كٷشتەرٸ ەۋە قورعانىسى كٷشتەرٸ ەسكەري ينستيتۋتىنىڭ عيماراتىندا ەسكەري-پاتريوتتىق جۇمىستاردى جەتٸلدٸرۋ مەسەلەلەرٸ بويىنشا قوعامدىق تىڭدالىم ٶتتٸ. وعان قر قارۋلى كٷشتەرٸ باس شتابى باستىعىنىڭ ورىنباسارى, گەنەرال-مايور مۇحامەدجان تالاسوۆ, اتقارۋشى بيلٸك ٶكٸلدەرٸ, سالا ماماندارى مەن كۋرسانتتار قاتىستى.
شارانىڭ ٶزٸ رەسپۋبليكالىق «جٸگەر-2017» ەسكەري-پاتريوتتىق لاگەرٸنٸڭ جۇمىس جوسپارى اياسىندا ۇيىمداستىرىلدى. اتالعان لاگەر وسى جىلدىڭ 10-15 قىركٷيەك كٷندەرٸ ارالىعىندا اقتٶبەدە شىمىلدىعىن تٷرگەن-دٸ. ماقسات — جاستار اراسىندا وتانعا قىزمەت ەتۋ يدەياسىن قالىپتاستىرۋ جەنە ونى قورعاۋ, بۇل سالا بويىنشا اتقارىلىپ جاتقان يدەولوگييالىق جۇمىستاردى ودان ەرٸ دامىتۋ. جٸگٸتتەر 5 كٷنگە سوزىلعان شارا بارىسىندا ەسكەري دايىندىق بويىنشا شەبەرلٸك ساعاتتارىنا, ەسكەري-قولدانبالى سپورت تٷرٸنەن جارىستارعا, ەسكەري-دالالىق ويىندار مەن ەستافەتالارعا قاتىسىپ, ٶزدەرٸنٸڭ بٸلٸمٸ مەن بٸلٸگٸن ارتتىرۋعا كٷش سالدى. سونداي-اق, جەر-جەردەن جينالعاندارعا «مەڭگٸلٸك ەل» يدەياسى, ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جاي-جاپسارى كەڭٸنەن تٷسٸندٸرٸلدٸ. جالپى, لاگەرگە قاتىسۋشىلار سانى — 80. ولاردىڭ اراسىندا ەسكەري-پاتريوتتىق كلۋبتاردىڭ ٶكٸلدەرٸ, كەسٸپورىندارداعى جاستار ٸسٸ جٶنٸندەگٸ كوميتەتتەردٸڭ تٶراعالارى, مەملەكەتتٸك مەكەمە قىزمەتكەرلەرٸ, ت.ب. بار.
— ەلباسى نۇرسۇلتان نازارباەۆ جاستارعا ارناپ ايتقان بٸر سٶزٸندە: «ۇلى قۇندىلىقتاردى ۇلىقتاي بٸلۋ ەربٸر جاستىڭ, بارشامىزدىڭ جاۋاپكەرشٸلٸگٸمٸزدەگٸ ٸس. پاتريوت بولۋ دەگەنٸمٸز ٶزٸنٸڭ ەلٸن ماقتان ەتۋ, تاريحىن بٸلۋ, ەلٸنٸڭ جارقىن بولاشاعىن جاساۋعا ٶز ٷلەسٸن قوسۋ», — دەگەن ەدٸ. وسى جيىننىڭ نەگٸزگٸ ماقساتى — ەلباسىنىڭ «مەڭگٸلٸك ەل» يدەياسىنىڭ ماقساتى مەن مٸندەتتەرٸن تٷسٸندٸرۋ, جاڭا قازاقستاندىق پاتريوتيزم سەزٸمٸن وياتۋ. وسىعان وراي جەرگٸلٸكتٸ بيلٸك ٶكٸلدەرٸ مەن قۇزىرلى ورگان ماماندارى لايىقتى جۇمىس جٷرگٸزۋدە, — دەگەن قر قارۋلى كٷشتەرٸ باس شتابى باستىعىنىڭ ورىنباسارى, گەنەرال-مايور مۇحامەدجان تالاسوۆ لاگەر جۇمىسىن ۇيىمداستىرعاندارعا العىسىن بٸلدٸرٸپ, وبلىس ەكٸمٸنٸڭ ورىنباسارى ەربول نۇرعاليەۆكە قر قارۋلى كٷشتەرٸنٸڭ 25 جىلدىعىنا ارنايى شىعارىلعان مەرەكەلٸك مەدال تابىستادى. ٶز كەزەگٸندە ەربول نۇرعاليەۆ:
— ەۋەلٸ بارلىق جاستارعا, قاتىسۋشىلارعا كيەلٸ, قۇتتى مەكەن — اقتٶبەگە قوش كەلدٸڭٸزدەر دەمەكپٸن. بۇل لاگەر اياسىندا بٸرتالاي جاستار بٸر-بٸرٸمەن قاۋىشىپ, ٶزارا تەجٸريبە الماستى. ولاردىڭ لاگەرگە قاتىستى جىلى لەبٸزدەرٸن ەستٸپ, ٸشٸمٸزدەن ريزا بولدىق. جالپى, جاستاردىڭ اراسىنداعى ماڭىزدى باعىتتاردىڭ بٸرٸ — ەسكەري-پاتريوتتىق تەربيە. بۇل بٸزدٸڭ بولاشاعىمىز ٷشٸن ٶتە ماڭىزدى. وسىنداي شارالاردى قولداۋعا بٸز ەرقاشان دايىنبىز, — دەدٸ.
باسقوسۋ سوڭىندا جوعارىدا اتالعان لاگەر جۇمىسىنا بەلسەنە ارالاسقاندارعا سەرتيفيكاتتار بەرٸلٸپ, قۇرمەت كٶرسەتٸلدٸ.
ايبەك سەرٸكۇلى
