پارلامەنت مەجٸلٸسٸنٸڭ دەپۋتاتى بەرٸك وسپانوۆ جەر قاتىناستارىن دامىتۋ مەسەلەلەرٸ بويىنشا زاڭ جوباسىنىڭ نەگٸزگٸ جاڭالىقتارىنا قاتىستى پٸكٸر بٸلدٸردٸ, دەپ حابارلايدى قازاقپارات.
ايتا كەتەيٸك, بٷگٸن مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارىن دامىتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى.
«مەملەكەت باسشىسىنىڭ تاپسىرماسىمەن جەر رەفورماسى جٶنٸندەگٸ كوميسسييا قۇرىلعانىن بٸلەسٸزدەر. ناۋرىز ايىنىڭ سوڭىنان باستاپ بٸر اي كٶلەمٸندە بٸراز مەسەلەنٸ تالقىلاپ, تيٸستٸ زاڭ جوباسى ەزٸرلەندٸ. وسى ورايدا جالعا الۋ قۇقىقتارىن جەتٸلدٸرۋ مەسەلەسٸ قارالدى. سونىمەن قاتار, قازاقستاندىقتارعا جەكەمەنشٸككە جەر بەرۋ مەسەلەسٸ بويىنشا ناقتى كەلٸسٸم بولماعاننان كەيٸن, ۇسىنىس بويىنشا موراتوريي 5 جىلعا ۇزارتىلىپ جاتىر. بۇل باعىتتا تولىق شەشٸم جوق, ياعني جەكەمەنشٸك كەرەك نەمەسە جەكەمەنشٸك كەرەك ەمەس دەگەن پٸكٸر بار. سوندىقتان بۇل مەسەلە تاعى قوعامدىق تالقىلاۋدا بولادى دەپ, تيٸستٸ ۇسىنىس جاسالدى», - دەپ توقتالدى ب. وسپانوۆ.
ونىڭ ايتۋىنشا, قازٸرگٸ كەزدە ورتالىق دەڭگەيدەگٸ قۇزىرلى ورگان – اۋىل شارۋاشىلىعى مينيسترلٸگٸندە جەر زاڭناماسىن ساقتاۋ, جەر ساپاسىن قورعاۋ, ماقساتتى پايدالانۋدى قاداعالاۋ جٶنٸندە ٶكٸلدٸگٸ بولماي تۇر. بۇل فۋنكتسييالار ٶڭٸرلەرگە جٷكتەلگەن.
«سول سەبەپتٸ سوڭعى جىلدارى زاڭ بۇزۋشىلىق جاعدايلارى كٶبەيٸپ كەتكەن. ەندٸ جاڭا زاڭ جوباسى ٶڭٸرلٸك دەڭگەيدەن رەسپۋبليكالىق دەڭگەيگە باقىلاۋ مەن تەكسەرۋ فۋنكتسييالارىن قايتادان ورتالىققا بەرۋ بويىنشا ٶزٸنٸڭ شەشٸمٸن تاۋىپ وتىر. سونىمەن بٸرگە, جەر پايدالانۋشىلاردىڭ قۇقىقتارىن قورعاۋ جاعىنان قوسىمشا مٷمكٸندٸكتەر ەسكەرٸلگەن. مۇنىمەن قوسا, ولاردىڭ جاۋاپكەرشٸلٸگٸ دە كٷشەيتٸلمەك, ياعني جەردٸ ماقساتتى پايدالانباسا, وندا جاۋاپكەرشٸلٸك بولادى», - دەدٸ دەپۋتات.
ونىڭ سٶزٸنە قاراعاندا, قۇجات اياسىندا دەرەكتەر اشىقتىعىنا ەكپٸن قويىلعان. جەردٸ العان ازاماتتار مەن مەكەمەلەر تۋرالى مەلٸمەتتەر اشىق قولجەتٸمدٸ بولادى.
«كٶپشٸلٸكتٸڭ ۇسىنىسى بويىنشا بٸراز ٶزگەرٸس ەنگٸزٸلگەن. جۇمىس توبىنىڭ قىزمەتٸ بارىسىندا قوسىمشا زاڭنىڭ نورمالارىن كٷشەيتەتٸن, ناقتىلايتىن تيٸستٸ ٶزگەرٸستەر قۇجاتقا ەنگٸزٸلگەن بولاتىن. بٷگٸن بٸرٸنشٸ وقىلىمدا ماقۇلداندى. ەندٸ ەكٸنشٸ وقىلىمعا دەيٸن تالقىلاناتىن بٸرقاتار نورما بار. جۇمىس توبىنىڭ وتىرىسىنا 40-قا جۋىق ادام ادام قاتىسىپ كەلەدٸ. ولاردىڭ اراسىندا دەپۋتاتتار, مٷددەلٸ مەملەكەتتٸك ورگانداردىڭ ٶكٸلدەرٸ, «اتامەكەن» ۇكپ ٶكٸلدەرٸ, ساياسي پارتييالاردىڭ مٷشەلەرٸ, قوعام قايراتكەرلەرٸ, سالا ماماندارى اتسالىسىپ جاتىر. بٸزدٸڭ ۇستانىمىمىز – جەر رەفورماسى جٶنٸندەگٸ كوميسسيياسىنىڭ شەشٸمدەرٸن زاڭداستىرۋ», - دەدٸ بەرٸك وسپانوۆ.
بۇدان بٶلەك ول زاڭ جوباسى اياسىندا اۋىلدىڭ ماڭىنداعى جەرلەردٸ ەلدٸڭ پايدالانۋىنا قايتارۋ, ەلدٸ مەكەن اينالاسىنداعى جايىلىمنىڭ كٶلەمٸن انىقتاۋ جٶنٸندە تيٸستٸ قادامدار ەسكەرٸلگەنٸن اتاپ ٶتتٸ.
زاڭ جوباسىنىڭ نەگٸزگٸ ٶزگەرٸستەرٸ مەن تولىقتىرۋلارى:
- قازاقستاندىقتارعا جەنە قازاقستاندىق زاڭدى تۇلعالارعا اۋىل شارۋاشىلىعى ماقساتىنداعى جەرلەردٸ 49 جىلعا دەيٸنگٸ مەرزٸمگە جالعا بەرۋ;
- جەر رەسۋرستارىن باسقارۋ كوميتەتٸنە جەردٸ پايدالانۋ مەن قورعاۋدى مەملەكەتتٸك باقىلاۋ فۋنكتسييالارىن ەكٸمدٸكتەردەن قايتارۋ;
- اۋىل شارۋاشىلىعى جەرلەرٸنٸڭ نىسانالى ماقساتىن «باعباندىق» جەنە «ساياجاي قۇرىلىسىنا» ٶزگەرتۋگە تىيىم سالۋ;
- حالىقتىڭ مۇقتاجىن قاناعاتتاندىرۋ ماقساتىندا, جەرگٸلٸكتٸ جاعدايلاردى ەسكەرە وتىرىپ, جايىلىمداردى باسقارۋ جٶنٸندەگٸ جوسپارلاردا, قاجەتتٸ جايىلىم القابىنىڭ شەكاراسىن ايقىنداۋ;
- اۋىل شارۋاشىلىعى ماقساتىنداعى جەرلەردٸ جەكە مەنشٸككە بەرۋگە موراتورييدٸڭ قولدانىلۋ مەرزٸمٸن 2026 جىلعى 31 جەلتوقسانعا دەيٸن ۇزارتۋ.
