اۋىل شارۋاشىلىق جەرلەرٸنٸڭ قۇنارىن باقىلاۋ ٷشٸن زەرتحانالىق بازانى دامىتۋ كەرەك. بۇل تۋرالى قر اۋىل شارۋاشىلىعى مينيسترلٸگٸ جەر رەفورماسى كوميسسيياسىنىڭ وتىرىسىندا ەكونوميكالىق جۇمىس توبىنىڭ جەتەكشٸسٸ اقىلبەك كٷرٸشباەۆ ايتتى, دەپ حابارلايدى قازاقپارات.
«ەلٸمٸزدە اۋىل شارۋاشىلىق جەرلەرٸنٸڭ قۇنارىن باقىلاۋ ٷشٸن زەرتحانالىق بازانى دامىتۋ كەرەك. ناقتى ايتار بولساق, «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ توپىراقتىق-گەوبوتانيكالىق زەرتحانالار جەلٸسٸن, سونداي-اق, قر اشم-نان «اگروحيمييا قىزمەتٸ رەسپۋبليكالىق عىلىمي-ەدٸستەمە ورتالىعى» مەكەمەسٸن جەر رەسۋرستارى سالاسىنداعى ۋەكٸلەتتٸ ورگانعا (جەر رەسۋرستارىن باسقارۋ كوميتەتٸنە) بەرۋ كەرەك. قازٸرگٸ ۋاقىتتا كوميتەتتٸڭ ٶزٸنە باعىنىشتى ەشقانداي زەرتحاناسى جوق. سوندىقتان ەكٸ مەكەمەدەگٸ زەرتحانالاردى تٸكەلەي جەر رەسۋرستارى كوميتەتٸنٸڭ نەمەسە جاڭادان قۇرىلاتىن جەر رەسۋرستارى اگەنتتٸگٸنٸڭ قۇزىرىنا بەرۋ تۋرالى ۇسىنىس ايتىپ وتىرمىز», - دەيدٸ ەكونوميكالىق جۇمىس توبىنىڭ باسشىسى اقىلبەك كٷرٸشباەۆ.
ونىڭ ايتۋىنشا, بۇل ۇسىنىستى ەكونوميكالىق مەسەلەلەر بويىنشا جۇمىس توبىنىڭ وتىرىسىنا قاتىسقان 30 ادامنىڭ 25-ٸ قولداپ, 5-ەۋٸ قارسى بولعان.
«ۇسىنىستى قولداعانداردىڭ ٸشٸندە 2 ادام ٶزدەرٸنٸڭ ەرەكشە پٸكٸرٸن ايتتى. ولاردىڭ ويىنشا, ەڭ الدىمەن توپىراقتىق-گەوبوتانيكالىق زەرتحانالار قىزمەتٸ باستاپقى كەزدە جەر رەسۋرستارى سالاسىنداعى ۋەكٸلەتتٸ ورگانعا بەرٸلۋٸ تيٸس. كەيٸن جەردٸڭ توپىراق جەنە بوتانيكالىق ساپاسىن تەكسەرۋگە قاجەتتٸ قىزمەتتەردٸ پايدالانۋدىڭ الگوريتمدەرٸ جاساقتالعان سوڭ بۇل زەرتحانالاردىڭ قىزمەت كٶرسەتۋٸن بەسەكەلەستٸك ورتاعا بەرۋ كەرەك», - دەيدٸ ول.
