قازاقستاندا جەڭٸلدەتٸلگەن اۆتونەسيە بەرۋ شارتتارى انىقتالدى, - دەپ حابارلايدى "ۇلت اقپارات" يندۋسترييا جەنە ينفراقۇرىلىمدىق دامۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, يندۋسترييا جەنە ينفراقۇرىلىمدىق دامۋ مينيسترلٸگٸ ەكولوگييا, گەولوگييا جەنە تابيعي رەسۋرستار مينيسترلٸگٸمەن بٸرلەسٸپ, "جاسىل دامۋ" اق قاراجاتى ەسەبٸنەن قازاقستاننىڭ ازاماتتارىنا جەڭٸلدەتٸلگەن اۆتونەسيە بەرۋ جەنە اۆتوبۋس پاركٸن جاڭارتۋ بويىنشا باعدارلاما ەزٸرلەپ جاتىر.
جەڭٸلدەتٸلگەن نەسيە باعدارلاماسى بويىنشا قارجىلاندىرۋ سوماسى شامامەن 100 ميلليارد تەڭگەنٸ قۇرايدى. ال قازاقستان ٶڭٸرلەرٸندەگٸ اۆتوبۋستار پاركٸن جاڭارتۋ ٷشٸن 30 ميلليارد تەڭگەگە جۋىق قاراجات بٶلٸنەدٸ.
جەڭٸل اۆتوكٶلٸكتٸ ساتىپ الۋعا نەسيە بەرۋ تٶمەندەگٸ شارتتار بويىنشا جٷرگٸزٸلەدٸ:
- سىياقى مٶلشەرلەمەسٸ: 4 پايىز;
- نەسيەلەندٸرۋ سوماسى: 10 ميلليون تەڭگەدەن ارتىق ەمەس;
- قارجىلاندىرۋ مەرزٸمٸ: 7 جىلدان ارتىق ەمەس;
- باستاپقى جارنا: 0 پايىزدان باستاپ;
- كٶلٸك قۇرالىنىڭ قۇنى: 15 ميلليون تەڭگەدەن اسپايدى.
نەسيە بەرۋدٸ ەكٸنشٸ دەڭگەيدەگٸ بانكتەر جٷزەگە اسىرادى. باعدارلاما 2022 جىلعى سەۋٸردٸڭ اياعىندا ٸسكە قوسىلادى.
"قارجىلاندىرۋدىڭ اشىقتىعىن قامتاماسىز ەتۋ ٷشٸن مينيسترلٸكتەرمەن مٸندەتتٸ شارت كٶزدەلگەن. وعان سەيكەس ەدب-دە قارىز الۋشىلارعا قارجىلاندىرۋدى ۇسىنۋدىڭ مەرتەبەسٸ مەن مەرزٸمٸن قاداعالاۋدىڭ اۆتوماتتاندىرىلعان جٷيەسٸ بولۋى تيٸس", - دەلٸنگەن حابارلامادا.
سونداي-اق قارىز الۋشىعا ەكٸ جىلدىڭ ٸشٸندە بٸر رەتتەن ارتىق اۆتونەسيە الۋعا تىيىم سالاتىن شەكتەۋ ەنگٸزٸلگەن.
