قازاقستاندا مەملەكەتتٸك قىزمەتكە ورنالاسۋ بويىنشا كونكۋرس ەندٸ 2 كەزەڭمەن ٶتكٸزٸلەدٸ. بۇل تۋرالى "ۇلت اقپارات" مەملەكەتتٸك قىزمەت ٸستەرٸ اگەنتتٸگٸنٸڭ باسپاسٶز قىزمەتٸنە سٸلتەمە جاساپ حابارلايدى.
مەملەكەت باسشىسى قول قويعان «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەملەكەتتٸك قىزمەت مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭى نەگٸزٸندە «قازاقستان رەسپۋبليكاسىنىڭ مەملەكەتتٸك قىزمەتٸ تۋرالى» زاڭىنا تٷزەتۋلەر ەنگٸزٸلدٸ.
ەنگٸزٸلگەن تٷزەتۋلەرگە سەيكەس, بارلىق مەملەكەتتٸك ورگانداردىڭ قىزمەتكەرلەرٸ اراسىندا ٶتەتٸن ٸشكٸ كونكۋرس جالپى كونكۋرسپەن بٸرٸكتٸرٸلگەن. ٶزگەرٸستەر 2020 جىلدىڭ 17 شٸلدەسٸنەن باستاپ كٷشٸنە ەندٸ.
بۇعان دەيٸن مەملەكەتتٸك ورگاندار كونكۋرستاردىڭ ٷش تٷرٸن جٷيەلٸ تٷردە ٶتكٸزٸپ كەلدٸ. ولار: مەملەكەتتٸك ورگاننىڭ ٶز قىزمەتكەرلەرٸ اراسىنداعى كونكۋرس, بارلىق مەملەكەتتٸك قىزمەتكەرلەر اراسىنداعى كونكۋرس جەنە بارلىق ازاماتتار اراسىنداعى جالپى كونكۋرس.
ٶز كەزەگٸندە, بۇل جاڭاشىلدىق مەملەكەتتٸك ورگانداردىڭ بوس لاۋازىمدارىن ۋاقىت سوزباي تولتىرۋعا ىقپال ەتەدٸ.
بۇدان بٶلەك, اتالعان جاڭاشىلدىق ستراتەگييالىق ماقساتتارعا قول جەتكٸزۋ ٷشٸن كادرلىق شەشٸمدەر قابىلداۋدا مەملەكەتتٸك ورگانداردىڭ ۇتقىرلىعىن ارتتىرۋعا سەپتٸگٸن تيگٸزەدٸ.
وسىنىڭ الدىندا كونكۋرستاردىڭ ٷش تٷرٸن ٶتكٸزۋ بوس ورىنداردى تولتىرۋ ٷشٸن كٶپ ۋاقىتتى تالاپ ەتەتٸن. بوس لاۋازىمدارعا ورنالاسۋ كونكۋرستارىنىڭ بارلىق كەزەڭدەرٸن ٶتكٸزۋ ٷشٸن 50 جۇمىس كٷنٸنە دەيٸن سوزىلاتىن, ال قازٸرگٸ ۋاقىتتا بۇل رەسٸم 15 جۇمىس كٷنٸنە دەيٸن قىسقارتىلدى.
اتالعان تەسٸل جٷيەنٸڭ مانساپتىق مودەلٸن بۇزبايدى, ال وعان ٷلكەن ۇتقىرلىق بەرەدٸ جەنە تۇتاستاي العاندا, جەكە سەكتوردان تالانتتى مامانداردى تارتۋ پروتسەسٸن جەدەلدەتۋگە مٷمكٸندٸك بەرەدٸ.
سونىمەن قاتار, مەملەكەتتٸك قىزمەتشٸلەردٸڭ جالپى كونكۋرستارعا قاتىسۋ تەرتٸبٸ جەڭٸلدەتٸلدٸ. ٶتكەن جىلدىڭ قاراشا ايىندا زاڭعا مەملەكەتتٸك قىزمەتكەرلەردٸ جالپى كونكۋرسقا قاتىسۋ كەزٸندە تەستٸلەۋدەن ٶتۋدەن بوساتاتىن تٷزەتۋلەر ەنگٸزٸلدٸ.
وسىلايشا, مەملەكەتتٸك قىزمەتشٸلەر ەندٸ جالپى كونكۋرستارعا جالپى نەگٸزدە ەمەس, ٸشكٸ كونكۋرسقا ۇقساس جەڭٸلدەتٸلگەن تەرتٸپ بويىنشا قاتىسادى. وسىعان بايلانىستى, كونكۋرس كەزەڭدەرٸن قىسقارتۋ مەريتوكراتييا قاعيداتتارىنا تەرٸس ەسەر ەتپەيدٸ.
