جەمقورلىق مەملەكەتتٸڭ دامۋىنا كەدەرگٸ بولعاندىقتان ٷلكەن كٷنە بولىپ سانالادى. بۇل تۋرالى قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى ايتتى, دەپ حابارلايدى قازاقپارات.
«قۇراننىڭ مەيدا سٷرەسٸنٸڭ 42-اياتىندا اللا تاعالا: «ولار - ٶتٸرٸككە قۇلاق سالۋشى, ارام جەۋشٸلەر. پايعامبارىمىز مۇحاممەد (س.ع.س.), ەگەر ولار ساعان كەلسە ارالارىنا ٷكٸم بەر نەمەسە ولاردان جٷز بۇر. ەگەر ولاردان جٷز بۇرساڭ ساعان ەشبٸر زييان كەلتٸرە المايدى. ال ەگەر ارالارىنا ٷكٸم بەرسەڭ, تۋرا ٷكٸم بەر. شەكسٸز اللا تۋراشىلداردى سٷيەدٸ» دەگەن. بۇل اياتتى تەپسٸرشٸ عالىمدار ارام جەۋشٸلەر دەگەندٸ ٶزگەنٸڭ مال-مٷلكٸن يەمدەنۋ, اقىسىن جەۋ دەپ تٷسٸندٸرگەن. ياعني, ادامدار ٶزٸنٸڭ مانسابىن, باسقا دا باسىمدىقتارىن پايدالانىپ, ٶزگەنٸڭ مال-دٷنيەسٸن ناقاقتان, ارام جولمەن الۋى كٷنە ەكەندٸگٸن جوعارىداعى ايات سٸز بەن بٸزگە ايتىپ وتىر. ال ەندٸ پايعامبارىمىزدىڭ حاديسٸنە كەلەر بولساق, «لاۋازىمدى قىزمەتتەگٸ تۇلعاعا بەرٸلگەن سىيلىق ارام جولمەن كەلگەن جالاقى» دەگەن سٶز بار. ياعني بٸرەۋدٸڭ لاۋازىمىن پايدالانىپ, سوعان سىيلىق بەرٸپ, ٶز ماقساتىنا جەتكٸزگٸسٸ كەلەتٸن ادام جەنە سول لاۋازىمىن پايدالانىپ, ادامداردان ارام جولمەن پارا العان ادامنىڭ جاعدايىن پايعامبارىمىز وسىلاي سيپاتتاپ بەرگەن» - دەدٸ قمدب تٶراعاسى قر سىبايلاس جەمقورلىققا قارسى ٸس-قيمىل اگەنتتٸگٸ الاڭىندا ٶتكەن بريفينگ بارىسىندا.
سوندىقتان باس مٷفتي جەمقورلىق ٷلكەن كٷنەنٸڭ قاتارىنا جاتاتىندىعىن باسا ايتادى.
«جەمقورلىق تەك بٸر ادامعا عانا ەمەس جالپى حالىققا زييانىن تيگٸزەدٸ. ٶيتكەنٸ, جەمقورلىق مەملەكەتتٸڭ, ەلدٸڭ دامۋىنا كەدەرگٸ بولادى. سول سەبەپتٸ بۇل ٷلكەن كٷنە بولىپ سانالادى. جوعارىداعى اياتتاردا دا اللا تاعالا ارام جولمەن دٷنيە تاپپاۋ كەرەكتٸگٸن ەسكەرتەدٸ. قازٸرگٸ تاڭدا كٶپ ادام «بۇل دٷنيەدە قۇتىلىپ كەتەمٸن, بەرٸ ۇمىتىلادى» دەپ ويلايتىن شىعار. بٸراق, بۇ دٷنيەدە قۇتىلعانمەن ەكٸ يىقتا 2 پەرٸشتە تۇرعانىن, بارلىق امالدى جازىپ وتىرعانىن ەسٸمٸزدەن شىعارماۋىز كەرەك. سوندا, ينشاللا, مۇنداي كٷنەعا بارماي امان بولامىز», - دەدٸ ناۋرىزباي قاجى تاعانۇلى.
