ٶزەكتٸ مەسەلەلەر اشىق ديالوگ, اشىق الاڭ, ونلاين پورتال ارقىلى شەشٸلەتٸن بولسا – ەلٸمٸزدٸڭ ازاماتتارى سەرگەلدەڭگە تٷسپەس ەدٸ. بۇل تۋرالى قازاقستان رەسپۋبليكاسى پارلامەنتٸ مەجٸلٸسٸنٸڭ دەپۋتاتى باقىتبەك سماعۇل AntikorLive باعدارلاماسىندا ايتتى, دەپ حابارلايدى قازاقپارات.
«جەمقورلىق جويىلسا – حالىقتىڭ ەل-اۋحاتى دا جاقسارادى. مەملەكەت باسشىسى حالىق ٷنٸنە قۇلاق اساتىن مەملەكەتكە ٷن قوسۋ كەرەكتٸگٸن ايتقان. قازٸرگٸ ۋاقىتتا ۇلتتىق كەڭەستٸڭ اياسىندا كٶپتەگەن مينيسترلٸكپەن تٸكەلەي بايلانىسقا شىعىپ, مەسەلەلەردٸ كٶتەرٸپ جاتقان ازاماتتاردى بٸلەمٸز. بۇرىن ارىز-شاعىم جازعان كەزدە كٶبٸنەسە «بۇل سۇراق بٸزدٸڭ مەكەمەنٸڭ قۇزٸرەتٸندە ەمەس» دەپ جاۋاپ بەرەتٸن. مۇنداي جاۋاپ «حالىق ٷنٸنە قۇلاق اساتىن مەملەكەت» قاعيداتىنا قايشى كەلەدٸ. وسىنداي مەسەلەلەر اشىق ديالوگ, اشىق الاڭ, ونلاين پورتال ارقىلى شەشٸلەتٸن بولسا – ەلٸمٸزدٸڭ ازاماتتارى مۇنشاما سەرگەلدەڭگە تٷسپەس ەدٸ», - دەيدٸ قر پارلامەنتٸ مەجٸلٸسٸنٸڭ دەپۋتاتى باقىتبەك سماعۇل.
ونىڭ ايتۋىنشا, تەۋەلسٸزدٸك العان جىلدارى قازاقستان قارۋلى كٷشتەرٸندە سىبايلاس جەمقورلىققا قاتىستى كٶپ جاعداي ورىن العان.
«قازٸرگٸ ۋاقىتتا ولاردىڭ بەرٸ جازاسىن الۋدا. ال اۋعان سوعىسىنا كەلەتٸن بولسام, جاۋىنگەرلەر پاتريوتيزمدٸ, وتان الدىنداعى انتقا ادالدىقتى بەرٸنەن بيٸك قويىپ وتىردى. قازاقستاندىق جاۋىنگەرلەردٸڭ ەشقايسىسى قولعا تٷسٸپ نەمەسە ساتقىندىق جاساعان ەمەس. ٶكٸنٸشكە قاراي, كٶپتەگەن لاۋازىمدى ازاماتتارىمىز قازٸرگٸ ۋاقىتتا جەمقورلىقپەن اباقتىدا وتىر. ەربٸر ازامات تازالىقتى, اردى جوعارى قويىپ, قىزمەت ەتسە دەگەن ويىمىز بار. جەمقورلىقتىڭ تامىرى تەرەڭگە جايىلىپ كەتپەس ٷشٸن بۇل تۋرالى وتباسىدان, مەكتەپ قابىرعاسىنان باستاپ ايتا بەرۋ كەرەك. ٸندەتپەن كٷرەسٸ – بٸز ٷشٸن مٸندەت», - دەيدٸ ول.
