قازاقستاندا 226 ادامعا جەمقورلىق تۋرالى حابارلاعانى ٷشٸن جالپى سوماسى 31 ميلليون تەڭگە تٶلەندٸ, دەپ مەلٸمدەدٸ قازاقستاننىڭ مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ جەمقورلىققا قارسى ساياسات دەپارتامەنتٸنٸڭ ديرەكتورى سالاۋات مٷكسٸموۆ.
2016 جىلمەن سالىستىرعاندا بىلتىرعى جىلى جەمقورلىق تۋرالى حابارلاعان ادامدار سانى ايتارلىقتاي ٶسكەن.
"2017 جىلعى قورىتىندى بويىنشا 226 ادام جالپى سوماسى 31 ميلليون تەڭگەمەن ماراپاتتالدى. بۇل الدىڭعى جىلدىڭ كٶرسەتكٸشتەرٸنەن 12-18%-عا ارتىق", — دەدٸ سالاۋات مٷكسٸموۆ بريفينگتە.
اگەنتتٸك ٶكٸلٸ اتاپ ٶتكەندەي, ماراپات سوماسى قىلمىستىڭ اۋىرلىق دەڭگەيٸنە بايلانىستى ٶزگەرەدٸ. بۇل شارا سوت ٷكٸمٸ زاڭدى كٷشٸنە ەنگەن سوڭ عانا ورىندالادى.
سونىمەن قاتار, مٷكسٸموۆ تٸركەلگەن قىلمىستار سانىنىڭ تٶمەندەگەنٸن ايتتى.
